سپریم کورٹ سے راحت ملنے کے بعد اروند کیجریوال کی پریشانی میں راؤز ایوینیو کورٹ سے اضافہ ہوگیا ہے۔
Delhi Liquor Scam: دہلی راؤز ایوینیو کورٹ نے سی بی آئی معاملے میں وزیراعلیٰ اروندکیجریوال کی عدالتی حراست 25 جولائی تک بڑھا دی ہے۔ ای ڈی کے ذریعہ داخل چارج شیٹ کے معاملے میں راؤزایوینیو کورٹ میں آئندہ سماعت 25 جولائی کوہوگی۔
وزیراعلیٰ اروند کیجریوال کو سپریم کورٹ نے آج ہی مبینہ شراب پالیسی گھوٹالے سے متعلق منی لانڈرنگ معاملے میں ضمانت دی تھی۔ حالانکہ سی بی آئی کے ذریعہ درج کیس کی وجہ سے وہ ابھی بھی جیل میں ہی رہیں گے۔ مبینہ شراب پالیسی گھوٹالے سے متعلق بدعنوانی کے معاملے میں سی بی آئی نے کیجریوال کو26 جون کو گرفتارکیا تھا۔ وہیں اب سی بی آئی کے معاملے میں اروند کیجریوال کی عدالتی حراست بڑھا دی گئی ہے۔
दिल्ली आबकारी नीति CBI मामला: राउज एवेन्यू कोर्ट ने CBI मामले में मुख्यमंत्री अरविंद केजरीवाल की न्यायिक हिरासत 25 जुलाई तक बढ़ा दी है।
(फाइल फोटो) pic.twitter.com/7KDZ8wndCM
— ANI_HindiNews (@AHindinews) July 12, 2024
ویڈیو کانفرنسنگ سے پیش ہوئے اروند کیجریوال
اس سے پہلے انفورسمنٹ ڈائریکٹوریٹ (ای ڈی) کے ذریعہ داخل چارج شیٹ کے بعد راؤزایوینیو کورٹ کے ذریعہ داخل چارج شیٹ پر نوٹس لینے کے بعد دہلی کے وزیراعلیٰ اروند کیجریوال ویڈیوکانفرنسنگ سے پیش ہوئے۔ عدالت نے سبھی ملزمین کا پروڈکشن وارنٹ جاری کیا تھا۔ وکیل وکرم چودھری نے کہا کہ اس معاملے میں عام آدمی پارٹی کو ملزم بناکرسمن کیا ہے۔ پارٹی کی طرف سے نیشنل سکریٹری پنکج گپتا پیش ہوں گے۔ عدالت نے چارج شیٹ اور چارج شیٹ سے منسلک دستاویزوں کی کاپی کیجریوال کے وکیلوں کودستیاب کرانے کا حکم دیا تھا۔
بھارت ایکسپریس۔
