جیل سے ضمانت ملنے کے بعد انتخابی تشہیرکے لئے باہرآئے اروند کیجریوال نے پارٹی دفتر میں پریس کانفرنس کی۔ انہوں نے اس دوران کہا کہ امید نہیں تھی کہ الیکشن کے درمیان جیل سے باہر آؤں گا۔ ہنومان جی کی بڑی مہربانی ہے، تبھی آپ کے درمیان آیا ہوں، کرشمہ ہوا ہے، دہلی کی عوام کا بہت بڑا شکریہ۔ انہوں نے کہا کہ جیل سے میں سیدھا آپ کے بیچ میں آیا ہوں۔ میں اور میری اہلیہ ابھی ہنومان مندرگئے تھے اوردرشن کئے۔ انہوں نے کہا کہ ہماری پارٹی کو کچلنے میں وزیراعظم مودی نے کوئی کسرنہیں چھوڑی۔
اروند کیجریوال نے بڑا دعویٰ کرتے ہوئے کہا کہ مودی جی، امت شاہ کو وزیراعظم بنانا چاہتے ہیں۔ مودی جی امت شاہ کے لئے ووٹ مانگ رہے ہں۔ جو مودی جی کے نام پرووٹ دے رہے ہیں، وہ یہ سوچ لیں کہ وہ امت شاہ کے نام پرووٹ دے رہے ہیں؟ کیجریوال نے کہا کہ آپ سوچ رہے ہوں گے کہ نریندر مودی وزیراعظم ہوں گے، لیکن نہیں۔ مودی آئندہ سال 75 سال کے ہورہے ہیں۔ وزیراعظم مودی نے بی جے پی کے اندرخود اصول بنایا ہے کہ 75 سال ہونے پرریٹائرکیا جائے گا۔ پہلے لال کرشن اڈوانی کو ریٹائرکیا اور پھر مرلی منوہرجوشی کو ریٹائر کیا۔
#WATCH | Delhi CM Arvind Kejriwal says “When I was in jail, some people raised this issue that why doesn’t Arvind Kejriwal resign from the post of Delhi CM? I have not come to become CM or PM…In the last 75 years, elections have been held in so many states, AAP government was… pic.twitter.com/75cakV0TDt
— ANI (@ANI) May 11, 2024
دہلی کے وزیراعلیٰ اروندکیجریوال نے کہا کہ یہ لوگ سوال کرتے ہیں کہ انڈیا الائنس کا وزیراعظم کون ہوگا؟ میرا بی جے سے پی سے سوال ہے کہ آپ کا وزیراعظم کون ہوگا، کیونکہ نریندر مودی اگلے سال 17 ستمبرکو 75 سال کے ہو رہے ہیں۔ وزیراعظم مودی نے 2014 میں خود اصول بنایا کہ بی جے پی کے اندر75 سال کی عمر والوں کوریٹائرکردیا جائے گا۔ آئندہ سال 17 ستمبر کو وزیراعظم مودی ریٹائرہونے والے ہیں۔ ایسے میں بی جے پی کی حکومت بنتی ہے تو آئندہ دو مہینے میں یوپی کے وزیراعلیٰ یوگی آدتیہ ناتھ کو نمٹا دیا جائے گا۔ پھر اس کے بعد وزیراعظم مودی کے سب سے خاص امت شاہ کو وزیراعظم بنایا جائے گا۔
بھارت ایکسپریس۔
