وزیراعلیٰ آتشی اور سابق وزیراعلیٰ اروند کیجریوال۔ (فائل فوٹو)
Delhi Minister Atishi Notice: عام آدمی پارٹی کے لیڈران پر کارروائی اور دہلی کے وزیراعلیٰ اروند کیجریوال کی گرفتاری کے بعد وزیر آتشی مارلینا نے الزام لگایا تھا کہ ان پر ایک قریبی شخص کے ذریعہ پارٹی بدلنے کا دباو بنایا جارہا ہے۔ اتنا ہی نہیں، آتشی مارلینا کا کہنا تھا کہ انہیں سوربھ بھاردواج، راگھو چڈھا اوردرگیش پاٹھک کو بھی گرفتار کیا جاسکتا ہے۔ اب اس معاملے میں دہلی بی جے پی کی طرف سے آتشی مارلینا کونوٹس بھیجا گیا ہے۔ کہا گیا ہے کہ اگرمعافی نہیں مانگتی ہیں تو ہتک عزت کے نوٹس کے لئے تیار رہنا ہوگا۔
دہلی بی جے پی کے صدر ویریندر سچدیوا نے ایک پریس کانفرنس کرکے بتایا ہے کہ آتشی اگرمعافی نہیں مانگتی ہیں تو ہتک عزت کا مقدمہ درج کرایا جائے گا۔ ابھی انہیں معافی مانگنے کے لئے نوٹس بھیجا گیا اور ڈیفامیشن نوٹس پارٹی میڈیا سربراہ کی طرف سے دہلی حکومت میں وزیرآتشی مارلینا کو بھیجا گیا ہے۔
State President Shri @Virend_Sachdeva is addressing a Press Conference. https://t.co/WcUJgETPOi
— BJP Delhi (@BJP4Delhi) April 3, 2024
ویریندر سچدیوا نے کہا ہے کہ آتشی عادتاً اس طرح کے بے بنیاد االزام لگاتی رہی ہیں۔ انہوں نے جھوٹا، من گھڑت بیان دیا ہے۔ کس نے اورکب رابطہ کیا، یہ انہوں نے بتایا ہی نہیں۔ جس نے رابطہ کیا وہ قریبی شخص کون تھا اور کس کے کہنے پراس نے فون کیا تھا۔ دہلی بی جے پی نے کہا کہ آتشی مارلینا یا ان کی پارٹی پرجب بھی الزام لگتے ہیں تو اراکین اسمبلی توڑنے یا لیڈران کی گرفتاری کی کہانی سناتی ہیں۔ دو بارپہلے بھی اس طرح کے الزام لگا چکی ہیں، لیکن کوئی ثبوت نہیں دیتی ہیں۔
‼️ सनसनी खेज खुलासा ‼️
मेरे एक करीबी के द्वारा भाजपा की तरफ से मुझे अप्रोच किया गया और कहा गया BJP जॉइन कर लो वरना आने वाले 1 महीने के अंदर ED मेरे घर पर रेड करेगी और मुझे गिरफ्तार कर लिया जाएगा।
BJP का इरादा है कि आने वाले 2 महीने के अंदर मुझे, सौरभ भारद्वाज, राघव चड्ढा और… pic.twitter.com/181ZTctvXz
— AAP (@AamAadmiParty) April 2, 2024
بی جے پی کی پریس کانفرنس میں کہا گیا ہے کہ ایسے الزام بی جے پی کی سیاسی اور سماجی شبیہ کو دھومل کرتے ہیں۔ ہم نے ایک ہتک عزت نوٹس آتشی کو بھیج کرالزام واپس لے کرعوامی طور پر معافی مانگنے کو کہاہے۔ اگروہ ایسا نہیں کرتی ہیں تو ان پر بی جے پی اورکارکنان کی ہتک عزت کا مقدمہ دائرکیا جائے گا۔
بھارت ایکسپریس۔
