کولکاتا، مغربی بنگال: مرکزی وزیر داخلہ امت شاہ نے مغربی بنگال اسمبلی انتخابات کے پہلے مرحلے کی پولنگ ختم ہونے پر ترنمول کانگریس پر حملہ تیز کرتے ہوئے ایک غروبِ آفتاب کی علامتی ویڈیو شیئر کی اور کہا کہ ’’ٹی ایم سی کی بدعنوانی اور غنڈہ گردی کا سورج غروب ہو چکا ہے۔‘‘ امت شاہ نے سوشل میڈیا پلیٹ فارم ایکس پر ویڈیو کے ساتھ یہ پیغام جاری کیا اور اسے بنگالی زبان میں بھی شیئر کیا۔ ان کا یہ بیان ایسے وقت میں سامنے آیا جب ریاست میں پہلے مرحلے کی ووٹنگ مکمل ہو چکی ہے۔
The sun of the TMC’s corruption and hooliganism has set.
তৃণমূলের দুর্নীতি ও গুন্ডারাজের সূর্য অস্ত গেছে। pic.twitter.com/9n1sSPNeoT
— Amit Shah (@AmitShah) April 23, 2026
मध्यमग्राम विधानसभा वासी संदेशखाली में महिलाओं के साथ अत्याचार भूले नहीं हैं।
रोड शो में उमड़ा यह जनसागर TMC के अंत का प्रतीक है।#BJPKeVoteDin pic.twitter.com/vtFSJMkcuP— Amit Shah (@AmitShah) April 23, 2026
ریکارڈ ووٹنگ، بنگال میں 91 فیصد سے زیادہ ٹرن آؤٹ
ملک کی انتخابی تاریخ میں ایک نیا باب اس وقت جڑ گیا جب تمل ناڈو اور مغربی بنگال میں اسمبلی انتخابات کے پہلے مرحلے کے دوران ریکارڈ سطح پر ووٹنگ درج کی گئی۔ الیکشن کمیشن آف انڈیا کے مطابق شام 6 بجے تک مغربی بنگال میں تقریباً 91.9 فیصد جبکہ تمل ناڈو میں 84 فیصد سے زیادہ ووٹنگ ریکارڈ کی گئی، جو آزادی کے بعد سب سے زیادہ ہے۔ چیف الیکشن کمشنر گیانیش کمار نے اس غیر معمولی شرکت پر خوشی کا اظہار کرتے ہوئے کہا کہ یہ آزادی کے بعد دونوں ریاستوں میں سب سے زیادہ ووٹنگ ہے۔ انہوں نے کہا کہ الیکشن کمیشن ہر ووٹر کو سلام پیش کرتا ہے جس نے جمہوریت کے اس عمل میں بڑھ چڑھ کر حصہ لیا۔
الیکشن کمیشن کا ردعمل: ووٹروں کو سلام
چیف الیکشن کمشنر گیانیش کمار نے کہا کہ مغربی بنگال اور تمل ناڈو میں آزادی کے بعد سب سے زیادہ ووٹنگ ہوئی ہے اور کمیشن ہر ووٹر کو سلام پیش کرتا ہے جنہوں نے جمہوریت کے اس تہوار میں حصہ لیا۔ 2021 کے اسمبلی انتخابات میں مغربی بنگال میں 85.2 فیصد ووٹنگ درج کی گئی تھی، جبکہ اس بار اس سے کہیں زیادہ شرکت دیکھنے کو ملی۔ ضمنی انتخابات میں گجرات کے عمرتھ میں 58.59 فیصد، جبکہ مہاراشٹر کے رہوری میں 54.96 فیصد اور بارامتی میں 56.72 فیصد ووٹنگ ریکارڈ کی گئی۔ مغربی بنگال کی باقی 142 نشستوں پر 29 مئی کو ووٹنگ ہوگی جبکہ نتائج 4 مئی کو اعلان کیے جائیں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
