کانگریس نے الکا لانبا کو کالکاجی سیٹ سے وزیر اعلیٰ آتشی کے خلاف امیدوار بنایا ہے۔ (فائل فوٹو)
نئی دہلی: کانگریس نے دہلی اسمبلی الیکشن کے لئے سینئرلیڈرالکا لانبا کوامیدواربنایا ہے۔ پارٹی نے انہیں کالکا جی سیٹ سے ٹکٹ دیا ہے۔ اس سیٹ پران کا مقابلہ دہلی کی وزیراعلیٰ اورعام آدمی پارٹی کی امیدوارآتشی سے ہوگا۔ عام آدمی پارٹی نے آتشی کو ایک بار پھر کالکا جی سیٹ سے ٹکٹ دیا ہے۔ الکا لانبا کانگریس کی سینئرلیڈر ہیں اوراس دہلی آل انڈیا مہیلا کانگریس کمیٹی کی چیئرپرسن ہیں اور چاندنی چوک کی رکن اسمبلی رہ چکی ہیں۔
2020 کے الیکشن میں تیسرے نمبرپررہی تھیں الکا لانبا
گزشتہ اسمبلی الیکشن میں الکا لانبا کانگریس کے ٹکٹ پر چاندنی چوک سیٹ سے الیکشن لڑی تھیں۔ حالانکہ یہاں انہیں ہارکا سامنا کرنا پڑا تھا۔ عام آدمی پارٹی کے امیدوار پرہلاد سنگھ ساہنی نے جیت درج کی تھی۔ اس الیکشن میں الکا لانبا تیسرے نمبرپر رہی تھیں۔ وہیں، 2015 کے اسمبلی الیکشن میں الکا لانبا نے جیت درج کی تھی۔ یہ الیکشن انہوں نے عام آدمی پارٹی کے ٹکٹ پر لڑا تھا۔ انہوں نے بی جے پی امیدوار سمن گپتا کو 18 ہزارسے زیادہ ووٹوں سے ہرایا تھا۔ 2015 میں کانگریس امیدواررہے پرہلاد سنگھ ساہنی تیسرے نمبر پرچلے گئے تھے۔
The Central Election Committee has approved the candidature of Ms. @LambaAlka as Congress candidate to contest the forthcoming general election to the Legislative Assembly of Delhi from 51 – Kalkaji constituency. pic.twitter.com/GcNwTjtwvG
— Congress (@INCIndia) January 3, 2025
بی جے پی اورعام آدمی پارٹی پرالکا لانبا کے حملے
الکا لانبا کا شمارتیزوطرار لیڈران میں ہوتا ہے۔ کانگریس نے انہیں آل انڈیا مہیلا کانگریس کی ذمہ داری دے رکھی ہے۔ دہلی اسمبلی الیکشن کی سرگرمی کے درمیان الکا لانبا بی جے پی اورعام آدمی پارٹی پرحملہ آور ہیں۔ گزشتہ دنوں نے ایک پوسٹ میں دونوں پارٹیوں پرحملہ بولا تھا۔
بھارت ایکسپریس۔
