مہاراشٹر کے نائب وزیراعلی اجیت پوار۔ (فائل فوٹو)
وزیر اعظم نریندرمودی نے مہاراشٹر کے شہر پونے میں منعقد ایک ریلی میں شرد پوار پر طنز کرتے ہوئے انہیں ’بھٹکتی آتما’(آوارہ روح) قرار دیا۔ وزیراعظم مودی کے اس تبصرہ پر شرد پوار کے بھتیجے اور مہاراشٹرکے نائب وزیراعلی اجیت پوار کا بیان سامنے آیا ہے۔ اپنے بیان میں اجیت پور نے کہا کہ جب پی ایم مودی نے پونے میں یہ بیان دیا تو وہ بھی وہاں موجود تھے، لیکن وہ نہیں جانتے تھے کہ وزیر اعظم کا نشانہ کون تھا۔
وزیر اعظم نے کیا تھا طنز
شرد پوار کا نام لئے بغیروزیر اعظم مودی نے پیرکو ایک ریلی میں نشانہ بناتے ہوئے کہا تھا، “مہاراشٹر میں ایک ’بھٹکتی آتما’(آوارہ روح) ہے۔ کامیابی نہیں ملتی تو دوسروں کے اچھے کام کو خراب کر دیتی ہے۔
میں پی ایم مودی سے ضرور پوچھوں گا۔
پی ایم مودی کے تبصروں سے متعلق پوچھے جانے پر اجیت پوار نے کہا کہ جب مجھے اگلی ریلی میں وزیراعظم کے ساتھ اسٹیج شیئر کرنے کا موقع ملے گا تو میں ان سے ضرور پوچھوں گا کہ ان کے تبصروں کا نشانہ کون تھا اور پھر میں آپ کے سوال کا جواب دوں گا۔ .
پی ایم مودی نے یہ بیان دیا تھا۔
وزیر اعظم مودی نے کہا تھا کہ مہاراشٹر میں کچھ ‘بھٹکتی آتماؤں’ نے اپنے عزائم کے لیے 45 سال قبل سیاسی عدم استحکام کا دور شروع کیا تھا۔ وزیر اعظم مودی نے شرد پوار کا نام نہیں لیا، لیکن یہ واضح تھا کہ وہ 1978 میں اس وقت کے وزیر اعلی وسنت دادا پاٹل کے خلاف ایک مراٹھا سیاست دان (شرد پوار) کی بغاوت کا حوالہ دے رہے تھے جس کی وجہ سے حکومت گر گئی تھی۔
نیشنلسٹ کانگریس پارٹی (ایس پی) کے سربراہ شرد پوار نے منگل کے روز وزیر اعظم مودی کے ‘بھٹکتے آتما’ سے متعلق بیان پر ردعمل کا اظہار کرتے ہوئے کہا کہ ان کی روح کسانوں اور عام آدمی کے مفادات کے لیے بے چین ہے اور وہ ان کی حالت زار کو اجاگر کرنے کے لیے تیار ہیں۔
بھارت ایکسپریس۔
