امریکی صدر جو بائیڈن۔ (فائل فوٹو)
واشنگٹن: امریکی صدر جو بائیڈن نے کہا ہے کہ اگر وہ اپنے بیٹے ہنٹر کو غیر قانونی طریقے سے بندوق رکھنے کے الزام میں مجرم ٹھہرایا جاتا ہے تو اسے معافی نہیں دیں گے۔
امریکی صدر سے ایک ٹی وی انٹرویو میں پوچھا گیا کہ کیا وہ ریاست ڈیلاویئر میں اپنے بیٹے کے مقدمے کی سماعت کے فیصلے کو ماننے کے لیے تیار ہیں؟ انہوں نے سادگی سے کہا ’’ہاں‘‘۔
انٹرویو سے قبل اے بی سی نیوز کی جانب سے جاری کردہ ایک بیان میں کہا گیا ہے کہ جب نیوز اینکر ڈیوڈ موئیر نے پوچھا کہ کیا بائیڈن ‘معافی’ کے امکان کو بھی مسترد کریں گے تو امریکی صدر نے ہاں میں جواب دیا۔
ہنٹر بائیڈن پر الزام ہے کہ انہوں نے اکتوبر 2018 میں ہتھیاروں کی خریداری کے دوران غلط بیانی کی اور اس وقت اپنی منشیات کی عادت کو چھپایا تھا۔ جرم ثابت ہونے پر اسے 25 سال قید کی سزا ہو سکتی ہے۔ حالانکہ، یہ واضح نہیں ہے کہ کیس کی سماعت کرنے والا جج کتنی سزا سنائے گا، کیونکہ ہنٹر بائیڈن کا کوئی سابقہ مجرمانہ ریکارڈ نہیں ہے۔
امریکی صدر کے بیانات ان کے پیشرو ڈونلڈ ٹرمپ کے رویے کے برعکس ہیں، جو متعدد فوجداری مقدمات کا سامنا کر ہرے ہیں اور وہ پہلے ہی عندیہ دے چکے ہیں کہ اگر وہ الیکشن جیت گئے تو وہ اپنے خلاف آنے والے فیصلوں کو پلٹ دیں گے۔
بھارت ایکسپریس۔
