غزہ میں اسرائیل اور حماس کے درمیان جنگ سے متعلق امریکہ کا بڑا بیان آیا ہے۔
اسرائیل اورفلسطین کے درمیان جاری جنگ 13ویں روز میں داخل ہوچکا ہے۔ اس جنگ میں دونوں ممالک کے اب تک تقریباً 5 ہزارسے زائد افراد ہلاک ہوچکے ہیں۔ اس درمیان امریکی صدر جوبائیڈن نے بدھ کے روزغزہ اورویسٹ بینک میں شہریوں کو انسانی امداد فراہم کرنے کے لئے 100 ملین ڈالرکی مدد کرنے کا اعلان کیا ہے۔ جو بائیڈن نے بدھ کے روزتل ابیب میں ایک خطاب کے دوران کہا کہ یہ مالی مدد غزہ میں ایمرجنسی ضروریات سمیت جنگ سے متاثرہ فلسطینیوں کے ایک ملین سے زیادہ بے گھرافراد کی مدد کے لئے ہے۔ انہوں نے اس سلسلے میں سوشل میڈیا سائٹ ایکس (ٹوئٹر) پر ایک ٹوئٹ بھی کیا ہے۔
واضح رہے کہ جو بائیڈن نے یہ اعلان منگل کے روزغزہ شہرکے اسپتال الاہلی میں ہوئے خطرناک دھماکے کے بعد کیا ہے۔ اس حملے میں تقریباً 500 معصوم اوربے قصورشہری ہلاک ہوئے ہیں۔ فلسطینی تنظیم حماس نے دھماکہ کے لئے اسرائیل کو ذمہ دارٹھہرایا ہے جبکہ اسرائیلی فوج نے کہا کہ اسپتال میں دھماکہ حماس کے ذریعہ چھوڑے گئے راکٹ سے ہوا تھا۔
I just announced $100 million for humanitarian assistance in Gaza and the West Bank.
This money will support over 1 million displaced and conflict-affected Palestinians.
And we will have mechanisms in place so this aid reaches those in need – not Hamas or terrorist groups.
— President Biden (@POTUS) October 18, 2023
اسرائیل نے رکھی یہ شرط
امریکہ کے ذریعہ غزہ کو اقتصادی مدد دیئے جانے کی تجویزپراسرائیل نے کئی شرائط رکھی ہیں۔ اسرائیلی پی ایم او نے ایک بیان میں کہا کہ جب تک ہمارے قیدی واپس نہیں آجاتے، اسرائیل اپنے علاقے سے غزہ پٹی تک کسی بھی انسانی امداد کی اجازت نہیں دے گا۔ اسرائیل ہمارے قیدیوں کے ساتھ ریڈ کراس کی ملاقات کا مطالبہ کرتا ہے اوراس مطالبے کے لئے بین الاقوامی حمایت حاصل کرنے کے لئے کام کررہا ہے۔ واضح رہے کہ 7 اکتوبرکو حماس کے حملے کے بعد مشرق وسطیٰ میں امریکہ کے سب سے مضبوط معاون کے طورپرحمایت کے لئے جو بائیڈن بدھ کی صبح اسرائیل پہنچے تھے۔
یہ بھی پڑھیں: Israel-Palestine Conflict: سعودی عرب کی فوری توجہ غزہ میں جنگ بندی پر مرکوز، کہا- دو ریاستی حل ہی فلسطین کا بنیادی حل
برطانوی وزیراعظم رشی سنک بھی اسرائیل پہنچے
اسرائیل اورفلسطین کے درمیان جاری جنگ کے مد نظربرطانوی وزیراعظم رشی سنک جمعرات (19 اکتوبر 2023) کواسرائیل پہنچ گئے ہیں۔ برطانیہ کے وزیراعظم رشی سنک نے اسرائیلی وزیراعظم بنجامن نیتن یاہو سے ملاقات کی ہے اوران سے مستقبل کی حکمت عملی پر تبادلہ خیال کیا ہے۔ رشی سنک نے اس دوران کہا ہے کہ میں اسرائیل کے ساتھ ہوں اوردہشت گردی کے خلاف کھڑا ہوں۔
بھارت ایکسپریس۔
