پاکستان کے سابق وزیر اعظم عمران خان۔ (فائل فوٹو)
Imran Khan Arrested: پاکستان میں سابق وزیراعظم عمران خان کی گرفتاری سے ہنگامہ برپا ہوگیا ہے۔ سابق وزیر داخلہ اورعوامی مسلم لیگ کے صدرشیخ رشید نے پاکستان کی شہباز شریف حکومت پر بڑا الزام لگایا ہے۔ انہوں نے کہا کہ عمران خان کو سلوپوائزن دیا جا سکتا ہے۔ ان کا الزام ہے کہ عمران خان کی گرفتاری کے بعد انہیں سلوپوائزن دے کرموت کے گھاٹ اتارا جاسکتا ہے۔
عمران خان کی گرفتاری فسطائیت ظلم دہشت گردی اورغنڈہ گردی ہےجوساری دنیا میں عمران خان کودھکےمارتےہوئےدکھائی جارہی ہےیہ حکومت کی نااہلی ناکامی ہےفیصلہ کروانےوالےسارےبھگوڑےلندن میں چھپ کربیٹھ گئےہیں۔جسکو2مرتبہ قتل کی کوشش کی وہ بچ گیااب گرفتارکرکےحکومت مزیدذلیل اوررسواء ہونے جارہی ہے
— Sheikh Rashid Ahmed (@ShkhRasheed) May 9, 2023
قابل ذکر ہے کہ پاکستان میں رینجرس کی ایک ٹیم نے منگل کوسابق وزیراعظم عمران خان کو اسلام آباد ہائی کورٹ کے باہرسے گرفتارکرلیا۔ سامنے آئی تصاویرمیں دیکھا جاسکتا ہے کہ پاک رینجرس عمران خان کو دھکا دے کرگاڑی میں بٹھاتے ہوئے نظرآرہے ہیں۔ عمران خان کی گرفتاری کے بعد اسلام آباد میں کئی مقامات پر توڑپھوڑ کے حادثات ہوئے ہیں۔ پی ٹی آئی کے کارکنان سڑکوں پر اترآئے ہیں اورعمران خان کورہا کرنے کا مطالبہ کر رہے ہیں۔
Former Pakistan PM & PTI chief Imran Khan has been arrested from outside the Islamabad High Court (IHC) by Rangers, reports Pakistan’s Dawn News pic.twitter.com/FHFTw3wUbr
— ANI (@ANI) May 9, 2023
عمران خان کی گرفتاری کے بعد اسلام آباد میں کئی مقامات پرتوڑپھوڑکے واقعات ہوچکے ہیں۔ پی ٹی آئی کے کارکن سڑکوں پرنکل آئے ہیں اورعمران خان کی رہائی کا مطالبہ کر رہے ہیں۔ اس کے ساتھ ہی اسلام آباد میں امن و امان کے پیش نظردفعہ 144 نافذ کردی گئی ہے۔
یہ بھی پڑھیں– Imran Khan Arrested: عمران خان کے وکیل پر جان لیوا حملہ، اسلام آباد ہائی کورٹ کے باہر زبردست ہنگامہ
جیو نیوز کی رپورٹ کے مطابق عمران خان کو کمرہ عدالت سے حراست میں لیا گیا، جہاں وہ اپنے خلاف درج کئی ایف آئی آرمیں ضمانت لینے گئے تھے۔ سابق وزیراعظم عمران خان کو کالے رنگ کی گاڑی میں لے جایا گیا۔ پی ٹی آئی کے وکیل فیصل چودھری نے اس کی تصدیق کی، جبکہ پارٹی کے نائب صدر فواد چودھری نے ٹوئٹ کیا کہ عدالت پر”رینجرس کا قبضہ” ہے اور وکلا پر”تشدد” کیا گیا۔ ڈان کی خبر کے مطابق گاڑی کو گھیرے میں لے لیا گیا ہے۔
-بھارت ایکسپریس
