فضائی حملے کے بعد ایران اور پاکستان کے درمیان کشیدگی میں اضافہ ہوگیا ہے۔
Pakistan Air Strikes on Iran: پاکستان نے ایران پر کی گئی اپنی ایئراسٹرائیک پربیان جاری کیا ہے۔ اسلام آباد سے پاکستان وزارت خارجہ کے ذریعہ جاری بیان کے مطابق، اس ایئراسٹرائیک میں الگ الگ ٹھکانوں پرکئی دہشت گردوں کی موت ہوئی ہے۔ پاکستان کا دعویٰ ہے کہ اس حملے میں دہشت گردوں کے ٹھکانے تباہ ہوگئے ہیں۔ پاکستان حکومت کے مطابق، خفیہ ایجنسیوں کی خفیہ اطلاع پریہ آپریشن کیا گیا تھا۔ اسے ‘Operation Marg Bar Sarmachar’ نام دیا گیا تھا۔
دہشت گرد تنظیموں کی تفصیل ایران کو دی تھی
پاکستان نے اپنے جاری بیان میں کہا کہ اس نے جمعرات کی صبح بلوچستان کے علاقے میں ایک کے بعد ایک کئی دہشت گردانہ ٹھکانوں کو نشانہ بنایا۔ جانکاری کے مطابق، یہ حملے بلوچستان لبریشن آرمی (بی ایل اے) اوربلوچستان لبریشن فورس (بی ایل ایف) کے ٹھکانوں پرکئے گئے ہیں۔ پاکستان وزارت خارجہ نے جاری بیان میں واضح کیا کہ وہ مسلسل کئی سالوں سے ایران سے اس کے ملک کے خلاف سرگرم دہشت گرد تنظیموں کی تفصیل اوردیگرجانکاری ایران کے ساتھ شیئر کرتا آیا ہے۔ تاہم کئی باروارننگ دینے کے بعد بھی اس نے ان پرکوئی کارروائی نہیں کی۔ یہ دہشت گرد تنظیم کئی بار بے گناہ پاکستانی عوام کا خون بہاچکے ہیں۔
This morning Pakistan undertook a series of highly coordinated and specifically targeted precision military strikes against terrorist hideouts in Siestan-o-Baluchistan province of Iran. A number of terrorists were killed during the Intelligence-based operation – codenamed ‘Marg… pic.twitter.com/xFVXO5p1gk
— ANI (@ANI) January 18, 2024
آپریشن خفیہ ایجنسیوں کے اِن پٹ پر
پاکستان حکومت کا کہنا ہے کہ وہ اپنے ملک کی سیکورٹی کے لئے ہرممکن قدم اٹھائے گی۔ اپنے عوام کا تحفظ اس کے لئے سب سے پہلے ہے، جس سے وہ قطعی سمجھوتہ نہیں کرسکتا۔ یہ پورا آپریشن خفیہ ایجنسیوں کے ان پٹ پرپورے احتیاط کے ساتھ کیا گیا ہے، جس سے ایران کی عام عوام کو کوئی نقصان نہ پہنچے۔ یہاں بتادیں کہ بدھ کو ایران نے پہلے پاکستان پرایئراسٹرائیک کی تھی، جس میں کل سات لوگوں کی موت ہوئی تھی۔ اب پاکستان نے ایران پرایئر اسٹرائیک کی ہے۔ دونوں ایک دوسرے ممالک میں سرگرم دہشت گردانہ تنظیموں کو بچانے اورایک دوسرے کے ممالک کے خلاف کام کرنے کی الزام تراشی اورجوابی الزام تراشی کرتے آئے ہیں۔
بھارت ایکسپریس۔
