پاکستان کے سابق وزیر اعظم عمران خان (فائل فوٹو)
Imran Khan Pakistan News: پاکستان کے سابق وزیراعظم اور پاکستان تحریک انصاف (پی ٹی آئی) کے سربراہ عمران خان نے پاکستانی پولیس کو نشانے پر لیتے ہوئے اسے کھری کھوٹی سنائی ہیں۔ عمران خان نے ٹوئٹ کرکے کہا کہ پولیس نے پنجاب میں پی ٹی آئی اراکین کے خلاف دہشت کا محاذ کھول دیا ہے۔
عمران خان نے اپنے حامیوں کی گرفتاری پر کہا کہ شائستگی کے تمام اصولوں کو توڑنے کے علاوہ یہ مہذب لوگوں اورقانون کی پاسداری کرنے والے شہریوں کو ہراساں کرنے کی انتہا ہے۔ مسلح پولیس اس کے گھرمیں گھس کرتوڑپھوڑکررہی ہے۔
Punjab Police has unleashed a reign of terror against PTI members.
Apart from breaking all norms of decency, this is the height of cowardice to terrorise decent people and law abiding citizens with armed police barging in and vandalising their house. pic.twitter.com/TpgbWcN2lu
— Imran Khan (@ImranKhanPTI) June 16, 2023
پولیس کا برتاو بے حد شرمناک اور قابل مذمت
عمران خان نے اپنے آفیشیل ٹوئٹر اکاونٹ پر پی ٹی آئی کارکنان کے گھروں میں ہوئی توڑ پھوڑ کی تصویر شیئر کیں۔ انہوں نے کہا کہ یہ دیکھئے پنجاب پولیس ہمارے ساتھیوں کے گھروں کو کس طرح نشانہ بنا رہی ہے۔ اس سے پہلے کچھ دیر پہلے عمران خان نے بتایا تھا کہ 77 سال کے چودھری پرویز الٰہی پر پی ٹی آئی چھوڑنے کا دباو بنانے کے لئے انہیں جیل میں اذیتیں دی گئیں۔ عمران خان نے کہا کہ پرویز الٰہی کو جیل میں جس طرح سے برتاو کیا جا رہا ہے، وہ بے حد شرمناک اور قابل مذمت ہے۔
میری بیوی اور بہنوں کو بھی دھمکایا جا رہا
پاکستان کے سابق وزیراعظم عمران خان کا کہنا ہے کہ پولیس ان کی فیملی کو بھی نشانہ بنا رہی ہے۔ عمران خان نے ایک ٹوئٹ میں کہا کہ میری بیوی اور بہنوں کو بھی مقدمے اورگرفتاری وارنٹ کے ذریعہ دھمکایا جا رہا ہے۔ مگر میں بتانا چاہتا ہوں کہ میں پاکستانیوں کے حق میں آوازاٹھاتا رہوں گا۔ یہ ملک میرا ہے اور میں اسے چھوڑ کر کہیں نہیں جاوں گا۔
بھارت ایکسپریس۔
