ایران آج اسرائیل کے خلاف جنگ میں جدوجہد کررہا ہے۔ اسرائیل کے بعد امریکہ نے بھی اسے نشانہ بنایا ہے اوراس کے نیوکلیئرسائٹوں پر حملہ کردیا ہے۔ آج ایران کی پہچان ایک اسلامی ملک کے طورپرہے۔ تاہم سال 1979 سے پہلے ایران میں مغربی ممالک کا اثرتھا۔ ہندوستان میں اہم تجارتی گھرانوں میں شامل ہندوجا گروپ کا بھی ہیڈ کوارٹرتقریباً 6 دہائی تک تہران میں تھا۔ تاہم اسلامی انقلاب کے بعد ہندوجا گروپ وہاں سے اپنا ہیڈ کوارٹرہٹاکرلندن لے گیا اورآج ہندوجا فیملی برطانیہ کی سب سے امیرفیملی ہے۔ اس کی کل نیٹ ورتھ تقریباً 35.3 ارب پاؤنڈ ہے۔ ہندوجا گروپ کا کاروبار 48 ممالک میں پھیلا ہے اوراس میں 150,000 سے زیادہ ملازم کام کرتے ہیں۔
ہندوستان میں ہندوجا گروپ کی 6 لسٹیڈ کمپنیاں ہیں۔ ان میں آٹوکمپنی اشوک لی لینڈس اورانڈس انڈ بینک شامل ہیں۔ اس گروپ کی کمپنی انڈس انڈ انٹرنیشنل ہولڈنگس لمیٹیڈ نے حال ہی میں انل امبانی کی کمپنی ریلائنس کیپٹل کودیوالیہ کے عمل میں خریدا ہے۔ ہندوجا گروپ کی بنیاد 1914 میں پرمانند دیپ چند ہندوجا نے رکھی تھی، جو سندھ کے شہرشکارپور سے تعلق رکھنے والے ایک نوجوان کاروباری تھے۔ 1919 میں کمپنی نے ایران میں اپنا دفترکھولا۔ اس کے بعد ایران اگلے 60 سالوں تک اس کمپنی کا ہیڈ کوارٹررہا۔
ہندوجا گروپ کا کہاں کہاں پھیلا ہے بزنس
سال 1979 میں اسلامی انقلاب نے شاہ ایران کا تختہ الٹ دیا۔ اس ہنگامے کے درمیان ہندوجا گروپ نے اپنا ہیڈکوارٹرایران سے باہرمنتقل کرنے کا فیصلہ کیا۔ گروپ کی اگلی منزل برطانیہ کا دارالحکومت لندن تھا۔ اس گروپ کا آغازمرچنٹ بینکنگ اورتجارت سے ہوا۔ آج اس کا کاروبارآٹو، آئی ٹی، میڈیا اورتفریح، تیل اورخصوصی کیمیکل، بینکنگ اورفنانس، پاورجنریشن، ریئل اسٹیٹ اورصحت کی دیکھ بھال سمیت کئی شعبوں میں پھیلا ہوا ہے۔
پوری دنیا میں پھیل گیا ہندوجا گروپ
سال 1971 میں پرمانند دیپ چند کی موت کے بعد ان کے چاربیٹوں نے ہندوجا گروپ کے کاروبارکو پوری دنیا میں پھیلا دیا۔ اشوک لی لینڈ ہندوستان کی دوسری سب سے بڑی تجارتی گاڑیاں بنانے والی کمپنی ہے۔ کمپنی کے پوری دنیا میں تقریباً 10 پروڈکشن یونٹس ہیں۔ اس کمپنی نے 1997 میں ہندوستان کی پہلی سی این جی بس شروع کی۔ 1994 میں ہندوجا گروپ نے ہندوستان کے بینکنگ سیکٹرمیں قدم رکھا۔ سال 2000 میں، ہندوجا گروپ نے ہندوجا گلوبل سلوشنزقائم کیا۔ یہ گروپ کی بی پی اوکمپنی ہے۔ ہندوجا گروپ نے معروف برانڈ گلف کوبھی خریدا اوربعد میں اس کا نام گلف آئل کارپوریشن لمیٹڈ رکھ دیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
