Trishala Dutt Post: فادرز ڈے پر سنجے دت اور بیٹی تریشالا دت کی خوبصورت تصاویر وائرل، مداحوں کو باپ بیٹی کی مضبوط بانڈنگ آئی پسند آگئی

نئی دہلی : فادرز ڈے ہر والد کے لیے ایک خاص دن ہوتا ہے، جب بچے اپنے والد کے ساتھ وقت گزار کر اس رشتے کی اہمیت کا اظہار کرتے ہیں۔ بالی ووڈ شخصیات بھی اس موقع کو خاص انداز میں مناتی ہیں اور اپنی خوشگوار یادیں مداحوں کے ساتھ شیئر کرتی ہیں۔ اسی سلسلے میں اداکار سنجے دت کی بیٹی تریشالا دت نے بھی فادرز ڈے کے موقع پر اپنے والد کے ساتھ گزارے گئے خوبصورت لمحات کی تصاویر سوشل میڈیا پر شیئر کیں، جو تیزی سے وائرل ہو رہی ہیں۔

فادرز ڈے پر باپ بیٹی کی خوبصورت بانڈنگ

تریشالا دت نے اپنے انسٹاگرام اکاؤنٹ پر تصاویر شیئر کرتے ہوئے کیپشن میں لکھا، فادرز ڈے ویک اینڈ۔تصاویر میں سنجے دت اور تریشالا کے درمیان محبت اور قربت صاف دیکھی جا سکتی ہے۔ پہلی تصویر میں دونوں دھوپ میں سرسبز ماحول کے درمیان کھڑے نظر آ رہے ہیں۔ سنجے دت سفید شرٹ اور ہلکے رنگ کی جینز میں دکھائی دے رہے ہیں، جبکہ تریشالا سفید ٹاپ اور نیلی جینز میں نظر آئیں۔ایک اور تصویر میں باپ بیٹی کو ایک ریستوران میں فادرز ڈے مناتے دیکھا جا سکتا ہے۔ اس موقع پر سنجے دت سفید اور سیاہ رنگ کی شرٹ اور سن گلاسز میں اسٹائلش انداز میں نظر آئے، جبکہ تریشالا پرنٹڈ کوآرڈ سیٹ میں دکھائی دیں۔

مداحوں نے تصاویر کو خوب سراہا

سوشل میڈیا پر شیئر کی گئی ان تصاویر کو مداحوں کی جانب سے بھرپور پسند کیا جا رہا ہے۔ کئی یوزرنے سنجے دت اور تریشالا کی مضبوط بانڈنگ کو سراہتے ہوئے انہیں ایک خوبصورت باپ بیٹی کی جوڑی قرار دیا۔

تریشالا دت کون ہیں؟

تریشالا دت، سنجے دت اور ان کی پہلی بیوی رچا شرما کی بیٹی ہیں۔ سنجے دت اور رچا شرما نے 1987 میں شادی کی تھی اور 1988 میں تریشالا کی پیدائش ہوئی۔قابل ذکر بات یہ ہے کہ رچا شرما برین ٹیومر کے باعث 1996 میں انتقال کر گئیں، جس کے بعد تریشالا کی پرورش زیادہ تر امریکہ میں ہوئی۔

سنجے دت کی ازدواجی زندگی

رچا شرما کے انتقال کے بعد سنجے دت نے 1998 میں ریا پلئی سے شادی کی، لیکن یہ رشتہ زیادہ عرصہ قائم نہ رہ سکا اور 2005 میں دونوں الگ ہو گئے۔بعد ازاں سنجے دت نے 2008 میں مانیاتا دت سے شادی کی، جن سے ان کے دو بچے شہران دت اور اقرا دت ہیں۔فادرز ڈے کے موقع پر سامنے آنے والی یہ تصاویر ایک بار پھر ثابت کرتی ہیں کہ مصروف زندگی کے باوجود سنجے دت اپنی بیٹی تریشالا کے ساتھ ایک مضبوط اور محبت بھرا رشتہ رکھتے ہیں، جسے مداح بھی بے حد پسند کرتے ہیں۔

بھارت ایکسپریس اردو