اجیت پوار اور ان کی اہلیہ سنیترا پوار کو ممبئی پولیس نے کلین چٹ دے دی ہے۔ (تصویر: سوشل میڈیا)
MSCB Bank Scam Case: مہاراشٹرکے نائب وزیراعلیٰ اجیت پواراوران کی اہلیہ سنیتا پوارکو 25 ہزارکروڑروپئے کے ایم ایس سی بی بینک گھوٹالہ معاملے میں پولیس نے کلین چٹ دے دی ہے۔ اس سے متعلق ممبئی پولیس کی ای اوڈبلیونے اپنی کلوزررپورٹ پیش کی ہے۔ اس رپورٹ میں پولیس نے کہا ہے کہ اس معاملے میں جانچ کے دوران انہیں کرمنل ایکٹ جیسا کچھ نہیں نظرآیا ہے۔ اس لئے ہم اس معاملے میں نائب وزیراعلیٰ اجیت پواراوران کی اہلیہ سنیترا پواراوردیگرلوگوں کوکلین چٹ دے رہے ہیں۔
ای او ڈبلیو کی کلوزررپورٹ میں کیا کہا گیا؟
اقتصادی جرائم ونگ (ای اوڈبلیو) نے اپنی کلوزررپورٹ میں مزید کہا ہے کہ سنیترا پوارنے سال 2008 میں جے ایگروٹیک کے ڈائریکٹرکے عہدے سے استعفیٰ دے دیا تھا۔ دوسال کے بعد جئے ایگروٹیک نے جڑندیشورشوگرمل کو 20.25 کروڑروپئے دیئے۔ اس کے بعد گروکموڈٹی نے نیلامی میں جارندیشوراوپری شوگرمل کو 65.75 کروڑ روپئے میں خرید لیا۔ رپورٹ میں مزید کہا گیا ہے کہ اس کے بعد گروکموڈٹی نے اسے جڑندیشورکولیزپردے دیا، جس کے ڈائریکٹرراجیندرگھاڑگے اوراجیت پوار کے رشتہ دارتھے۔ جرندیشورنے گروکموڈٹی کو 65.53 کروڑ روپئے کا کرایہ دیا تھا۔ رپورٹ میں یہ بھی بتایا گیا ہے کہ شوگرمل کوقرض دینے اورفروخت کرنے کے عمل میں بینک کو کوئی نقصان نہیں پہنچا ہے۔
ایم ایس سی بی کو ہوا نقصان؟
اس معاملے سے متعلق کلوزر رپورٹ میں کہا گیا ہے کہ جراندیشورکو آپ شوگرمل کی سال 2010 میں نیلامی کے لئے 13 ٹینڈرملے تھے۔ اسے اندھیری کی گروکموڈٹیزسروسیز کو 65.8 کروڑ روپئے میں بیچ دیا گیا تھا، جس کے مالک اومکاربلڈرتھے۔ گروکموڈٹیزنے اس کے بعد شوگرمل کو لمبے وقت کے لئے نئی کمپنی جراندیشورشوگرمل پرائیویٹ لمیٹیڈ کو بیچ دیا تھا۔ رپورٹ میں کہا گیا ہے کہ جراندیشورشوگرملس پرائیویٹ لمیٹیڈ کے ڈائریکٹراجیت پوار کے رشتہ دارراجیندر گھاڑگے تھے۔ کمپنی کے بننے کے دو ہفتے بعد ہی 19 نومبر2010 کو جے ایگروٹیک سے اسے 20.3 کروڑروپئے ملے۔ رپورٹ میں مزید یہ بھی کہا گیا ہے کہ سنیترا پوارجے ایگروٹیک کی ڈائریکٹرتھیں، لیکن 2008 میں عہدے سے استعفیٰ دے دیا تھا۔ لین دین میں کوئی غلط سرگرمیاں نہیں ہوئی ہیں اورایم ایس سی بی کو کسی طرح کا کوئی نقصان نہیں اٹھانا پڑا ہے۔
بھارت ایکسپریس۔
