رنجیتا رنجن نے پپو یادو کے آزاد امیدوار کے طور پر پرچہ نامزدگی داخل کرنے پر تبصرہ کیا ہے۔
پپو یادو کے آزاد امیدوار کے طورپرپرچہ نامزدگی داخل کرنے کے بعد ان کی اہلیہ اورکانگریس کی راجیہ سبھا رکن پارلیمنٹ رنجیتا رنجن کا ردعمل آیا ہے۔ انہوں نے کہا کہ پپویادو پورنیہ کے بڑے لیڈرہیں۔ ان کا ہمارے ساتھ (انڈیا الائنس) نہ ہونا بدقسمتی ہے۔ بتادیں کہ پپو یادو نے پورنیہ سیٹ سے کانگریس کا ٹکٹ نہ ملنے کے بعد آزاد امیدوارکے طور پر پرچہ نامزدگی داخل کی ہے، جس کے بعد کانگریس کے ریاستی صدراکھلیش سنگھ نے انہیں اپنی پرچہ نامزدگی واپس لینے کو کہا ہے۔
راجیہ سبھا رکن پارلیمنٹ رنجیتا رنجن نے کہا کہ پپو یادوکا کانگریس کے ساتھ نہ ہونا انڈیا الائنس کے لئے بری خبر ہے۔ انہوں نے کہا کہ وہ تین بارکے رکن پارلیمنٹ ہیں، پورنیہ کی عوام انہیں پیارکرتی ہے۔ اگروہ ہمارے (انڈیا الائنس) ساتھ ہوتے تو اچھا ہوتا۔ واضح رہے کہ پپو یادو کے پورنیہ لوک سبھا سیٹ سے آزاد امیدوار کے طور پر پرچہ نامزدگی داخل کرنے پر بہار کی سیاست گرمائی ہوئی ہے۔
BIG BREAKING 🚨
Over 4 lakh people joined Pappu Yadav’s rally in Purnea today.
He is unstoppable, his victory is more than certain.
This marks the rise of a new mass leader for Congress in Bihar after decades 🔥 pic.twitter.com/nqDx6t3gs6
— Ankit Mayank (@mr_mayank) April 4, 2024
آرجے ڈی نے بیما بھارتی کو بنایا اپنا امیدوار
واضح رہے کہ آزاد امیدوارکے طور پرپرچہ نامزدگی کے بعد بھی پپو یادوخود کو کانگریسی بتا رہے ہیں۔ انہوں نے میڈیا کو دیئے بیان میں کہا کہ کانگریس لیڈر راہل گاندھی اورپرینکا گاندھی کا انہیں آشیرواد ہے۔ پورنیہ لوک سبھا سیٹ پرانڈیا الائنس کے تحت آرجے ڈی نے بیما بھارتی کو امیدواربنایا ہے۔ قابل ذکرہے کہ بیما بھارتی جے ڈی یو کی رکن اسمبلی تھیں، جو حال ہی میں آرجے ڈی میں شامل ہوئی ہیں۔
پورنیہ لوک سبھا سیٹ پردوسرے مرحلے میں ووٹنگ
جانکاری کے مطابق، بہارکی پورنیہ لوک سبھا سیٹ دوسرے مرحلے میں 26 اپریل کو ووٹنگ ہونی ہے۔ اس سیٹ کو ذات پات پرمبنی حالات پراگرنظرڈالیں تو یہاں تقریباً 60 فیصد ہندو رائے دہندگان ہیں۔ اس کے علاوہ اس سیٹ پر 40 فیصد مسلم ووٹ بینک، تقریباً پانچ لاکھ ایس سی، ایس ٹی اوردیگرپسماندہ طبقات کے رائے دہندگان ہیں۔
بھارت ایکسپریس۔
