محمود کرزئی اور انکے بھائی حامد کرزئی
کابل، 7 نومبر (بھارت ایکسپریس): افغانستان کے سابق صدر حامد کرزئی کے بھائی محمود کرزئی کو اس وقت حراست میں لے لیا گیا جب وہ کابل ائیرپورٹ سے دبئی کے لئے روانہ ہو رہے تھے۔ خامہ پریس کی ایک رپورٹ کے مطابق، وہ دبئی جانے والی ایریانا ائیرلائنس کی فلائٹ میں سوار تھے۔
بہت سی رپورٹ میں قیاس آرائیاں کی جا رہی ہے کہ اس گرفتاری کے پیچھے ان کے بھائی حامد کرزئی کا سیاسی تبصرہ ہو سکتا ہے۔ واضح رہے کہ سابق صدر خواتین کے حقوق پر پابندی لگائے جانے کے بعد سے طالبان حکومت پر تنقید کرتے رہے ہیں۔ اس کے علاوہ وہ طالبان سے جامع حکومت بنانے کا بھی مطالبہ کرتے رہے ہیں۔
خامہ پریس کی رپورٹ یہ بھی کہتی ہے کہ محمود کرزئی جنوبی قندھار صوبے کے جدید اقتصادی شہر اینومینا میں ایک اہم شیئر ہولڈر ہیں۔ اسی کے چلتے سابق صدر اشرف غنی نے بھی ان پر اینومینا شہر کی تعمیر میں سرکاری زمین پر قبضہ کا الزام عائید کیا تھا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
