نیشنل کانفرنس کے صدر فاروق عبداللہ نے بی جے پی کے ساتھ جانے سے انکار کردیا ہے۔
اترپردیش میں جینت چودھری اورپنجاب میں بھگونت مان کے بعد اب جموں وکشمیر میں انڈیا الائنس کوایک اور جھٹکا لگا ہے۔ نیشنل کانفرنس کے صدر فاروق عبداللہ نے جموں وکشمیرکی سبھی 5 لوک سبھا سیٹوں پراکیلے الیکشن لڑنے کا فیصلہ کیا ہے۔ انڈیا الائنس کی شروعات سے ہی فاروق عبداللہ کو الائنس کی میٹنگ میں دیکھا گیا ہے، لیکن ان کے اچانک لئے گئے اس فیصلے نے سب کو حیران کردیا ہے۔
انڈیا الائنس کو مغربی بنگال، پنجاب اوردہلی میں پہلے ہی ترنمول کانگریس اورعام آدمی پارٹی نے جھٹکا دے دیا ہے جبکہ بہارمیں نتیش کمار انڈیا الائنس کو چھوڑ کراین ڈی اے الائنس میں شامل ہوچکے ہیں۔ اترپردیش میں بھی سماجوادی پارٹی اورکانگریس کے درمیان بات بنتی ہوئی نہیں نظرآرہی ہے۔ وہیں جینت چودھری کی آرایل ڈی این ڈی اے میں شامل ہونے کا فیصلہ کرچکی ہے۔ ایسے میں فاروق عبداللہ کا یہ فیصلہ انڈیا الائنس کو مزید کمزور کردے گا۔
#WATCH | Srinagar: On elections in J&K and seat sharing, National Conference Chief Farooq Abdullah says, “I think that elections in both states will be held with the Parliamentary elections. As far as seat sharing is concerned, NC will contest alone and there’s no doubt about… pic.twitter.com/e2pLpX3YVB
— ANI (@ANI) February 15, 2024
دہلی میں کانگریس-عام آدمی پارٹی میں زبردست اختلاف
عام آدمی پارٹی نے پولیٹیکل افیئرس کمیٹی (پی اے سی) میٹنگ کے بعد کانگریس کو دہلی میں ایک سیٹ دینے کی تجویز پیش کی ہے۔ عام آدمی پارٹی کے رکن پارلیمنٹ اورتنظیمی جنرل سکریٹری سندیپ پاٹھک نے کہا کہ دہلی میں کانگریس کو ہم ایک سیٹ کی تجویز پیش کرتے ہیں اورعام آدمی پارٹی 6 لوک سبھا سیٹوں پرالیکشن لڑے گی۔ انڈیا الائنس میں کانگریس کی سیٹوں کی تقسیم میں تاخیرسے متعلق سندیپ پاٹھک نے کہا، ”جب دہلی الائنس میں آئے تو اپنے مفاد میں سوچنے کی منشا نہیں تھی۔ ہم ایمانداری اورلگن سے الائنس کے ساتھ ہیں، لیکن انڈیا بلاک کا مقصد الیکشن لڑنا ہے اور ملک کو نیا متبادل دینا ہے۔ وقت سے امیدواروں کا اعلان کرنا، مہم کی حکمت عملی طے کرنا بھی الائنس میں شامل ہے۔
یہ بھی پڑھیں: UP Politics: اکھلیش یادو سے ناراض پلوی پٹیل نے لیا بڑا فیصلہ، راہل گاندھی کے ساتھ آئیں گی نظر
یوپی، بنگال اورآسام میں بھی نہیں بن رہی ہے بات
حال ہی میں عام آدمی پارٹی نے آسام کی تین لوک سبھا سیٹوں پراپنے امیدواروں کا اعلان کیا ہے۔ اترپردیش میں اکھلیش یادو کانگریس کو 80 سیٹوں میں سے 11 سیٹیں دینے کی بات کر رہے ہیں۔ مغربی بنگال میں بھی ممتا بنرجی اکیلے الیکشن لڑنے کی بات کہہ چکی ہیں۔ اب دیکھنا ہوگا کہ انڈیا الائنس کتنے دنوں تک مزید ٹک پاتا ہے۔
بھارت ایکسپریس۔
