سماجوادی پارٹی کے سینئر رہنمااور سابق ریاستی وزیر اعظم خان ،ان کی اہلیہ اور ان کے بیٹے عبداللہ اعظم کو سات سات سال جیل کی سزا سنائی گئی ہے۔ رامپورایم پی-ایم ایل اے کورٹ نے تینوں کو 7-7 سال کی سزا سنائی ہے۔یہ معاملہ عبداللہ اعظم کے دو برتھ سرٹیفکیٹ سے متعلق ہے۔ اعظم خان کو سزا ملنے کے بعد سماجوادی پارٹی کے چیف اور اترپردیش کے سابق وزیراعلیٰ اکھلیش یادو نے بہت ہی سنگین الزام لگایا ہے ۔ اکھلیش یادو نے میڈیا اہلکاروں سے بات کرتے ہوئے کہا کہ اعظم خان کو ایک بڑی سازش کے تحت مسلسل نشانہ بنایا گیا ہے اور انہوں نے تعلیم کے شعبے میں بہترین کا م کیا ہے اور وہ مسلمان بھی ہیں ،اس لئے انہیں پھنسا کر ان سزاوں کا سامنا کرنے کیلئے مجبور کیا گیا ہے۔
माननीय आज़म खान जी और उनके परिवार को निशाना बनाकर समाज के एक पूरे हिस्से को डराने का जो खेल खेला जा रहा है, जनता वो देख भी रही है और समझ भी रही है। कुछ स्वार्थी लोग नहीं चाहते हैं कि शिक्षा-तालीम को बढ़ावा देनेवाले लोग समाज में सक्रिय रहें। इस सियासी साज़िश के ख़िलाफ़ इंसाफ़ के…
— Akhilesh Yadav (@yadavakhilesh) October 18, 2023
اکھلیش یادو نے کہا کہ ایک نہ ایک دن اعظم خان اور ان کے خاندان کو انصاف ضرور ملے گا۔ ان کے خلاف بڑی سازشیں ہوئی ہیں ۔اور اسی کا نتیجہ ہے کہ آج انہیں ایسی سزاوں کا سامنا کرنے پڑ رہا ہے۔انہوں نے بڑی شاندار یونیورسٹی بنائی ہے ،بی جے پی کے اندر کے لوگوں کا بھی یہی کہنا ہے کہ اعظم خان مسلمان ہیں اس لئے انہیں ایسی سزاوں کا سامنا کرنے کیلئے پھنسایا جارہا ہے۔انہوں نے مزید کہا کہ اعظم خان کے اوپر مسلسل اس طرح کے حملے ہوتے رہے ہیں ،انہیں نشانہ بنایا جاتا رہا ہے۔ بی جے پی کے رہنما اور کچھ باہر سے لائے ہوئے افسران کی ملی بھگت سے اعظم خان کو سازش کے تحت پھنسایا گیا ہے۔یہ بھی ہوسکتا ہے کہ اعظم خان ایک بڑے لیڈر ہیں انہوں نے یونیورسٹی بنادی ،ا سلئے بھی انہیں پھنسایا گیا ہواور مجھے ایسا بھی لگتا ہے کہ انہیں مذہب کی بنیاد پر نشانہ بنایا جارہا ہے ۔ چونکہ ان کا مذہب الگ ہے وہ مسلمان ہیں اور ان کے مسلمان ہونے کی وجہ سے بھی انہیں نشانہ بناجارہا ہے۔انہوں نے یونیورسٹی بنادی اور ان کا مذہب الگ ہے اسی لئے انہیں پھنسایا جارہا ہے۔
@yadavakhilesh اعظم خان مسلمان ہیں اس لئے انہیں سازش میں پھنسا کر ایسی سزاوں کا سامنا کرنے کیلئے مجبور کیا گیا ہے:اکھلیش یادو#AzamKhan pic.twitter.com/5EHxedIgI7
— Bharat Express Urdu (@bharatxpresurdu) October 18, 2023
قابل ذکر ہے کہ بی جے پی لیڈرآکاش سکسینہ نے سال 2019 میں یہ معاملہ درج کروایا تھا۔ سرکاری وکیل ارون کمارنے کہا کہ تینوں کوعبداللہ اعظم کے برتھ سرٹیفکیٹ کے دو معاملات میں مجرم قراردیا گیا ہے۔ سزا کا اعلان جلد کیا جائے گا۔ عبداللہ اعظم کے خلاف گنج تھانے میں مقدمہ درج کیا گیا۔ اس کیس میں اعظم خان، ان کی اہلیہ تزئین فاطمہ اوران کے بیٹے عبداللہ اعظم کو ملزم بنایا گیا تھا۔
بھارت ایکسپریس۔
