'بھارت' اور انڈیا پر ہنگامہ کے درمیان دہلی پہنچ رہے سی ایم نتیش، جی 20 ڈنرمیں شرکت کریں گے، کانگریس سمیت تمام اپوزیشن جماعتوں نے اس پر کیا اعتراض
G20 Summit 2023: دارالحکومت دہلی جی ٹوئنٹی میں شامل ہونے دنیا کے طاقتور سربراہان کے استقبال کے لیے پوری طرح تیار ہے۔ 9 اور 10 ستمبر کو نئی دہلی میں منعقد ہونے والے جی ٹوئنٹی سمٹ اجلاس کے لیے اسٹیج تیار ہے۔ ادھر خبر ہے کہ بہار کے وزیر اعلیٰ نتیش کمار بھی دہلی پہنچ رہے ہیں۔ سی ایم نتیش کمار جی ٹوئنٹی کے ڈنرمیں شرکت کریں گے۔
اپوزیشن جماعتوں نے دعوت نامے پر کیااعتراض
قابل ذکر بات یہ ہے کہ راشٹرپتی بھون نے 9 ستمبر کو جی ٹوئنٹی ڈنر کے لیے انڈیا کے صدر کے بجائے صدر جمہوریہ بھارت کے نام پر دعوت نامہ بھیجا ہے۔ جی ٹوئنٹی کے غیر ملکی مہمانوں کو دی جانے والی ڈنرکے لیے صدر کی طرف سے تقسیم کیے گئے دعوت نامہ کےکارڈ پر اپوزیشن نے اعتراض کیا ہے کہ اس میں صدرِ انڈیاکے بجائے صدرِ بھارت لکھا ہوا ہے۔ کانگریس سمیت تمام اپوزیشن پارٹیوں نے اس پر اعتراض کیا ہے۔ نتیش کمارہفتہ کو صبح 10.45 بجے وسارا ایئر لائنز سے دہلی جائیں گے۔
بہار میںبھی اس پر کافی سیاست ہوئی
لفظ ‘انڈیا’ پر وزیر اعظم نریندر مودی پر طنزکرتے ہوئے جے ڈی یو کے قومی صدر للن سنگھ نے کہا کہ یہ لوگ گھبرا گئے ہیں۔ لفظ ’انڈیا‘ پر ان لوگوں کی گھبراہٹ صاف نظر آتی ہے۔ یہ لوگ مایوسی میں ہیں اس لیے اپنا نام بدلے گے، نام بدلنے سے کیا ہوگا؟ اس ملک کے لوگوں کا ان (بی جے پی) کے خلاف عدم اعتماد ہے، اسے کہاں سے دور کیا جائے گا؟ جتنا چاہو ڈرامہ کرتے رہو۔
قابل ذکر بات یہ ہے کہ 2024 میں ہونے والے لوک سبھا انتخابات کے لیے اپوزیشن جماعتوں نے ‘انڈیا’ کے نام سے ایک عظیم اتحاد بنایا ہے۔ اس کے بعد لفظ ’انڈیا‘ کو لے کر سیاست شروع ہوگئی۔ اس بارے میں بیان بازی چل رہی تھی، اسی دوران بھارت کے صدر کے نام بھیجے جانے والے دعوت نامے کو لے کر ایک نئی بحث چھڑ گئی۔
سی ایم نتیش طویل عرصے بعد پی ایم مودی سے ملاقات کریں گے
یہ ایک طویل عرصے کے بعد موقع ہوگا، جب وزیر اعلیٰ نتیش کمار ایک پروگرام میں وزیر اعظم نریندر مودی سے ملاقات کریں گے۔گزشتہ سال مئی میں جب وزیر اعظم قانون ساز اسمبلی کے پروگرام کے لیے پٹنہ پہنچے تھے تو انھوں نے وزیر اعظم سے ملاقات کی تھی۔
کئی ممالک کے سربراہ آج دہلی پہنچیں گے
دوسری جانب دہلی میں ہونے والے جی ٹوئنٹی سربراہی اجلاس کے حوالے سے غیر ملکی مہمانوں کی آمد کا سلسلہ شروع ہو گیا ہے۔ امریکی صدر جو بائیڈن، برطانیہ کے وزیر اعظم رشی سنک سمیت کئی ممالک کے سربراہان آج دہلی پہنچیں گے۔ ان کے استقبال کے لیے مرکزی حکومت کے وزرائے مملکت کی ڈیوٹی لگائی گئی ہے۔
بھارت ایکسپریس
