Bharat Express
Bharat Express
  1. Home » قومی » No Muslim in Modi’s cabinet: Owaisi پی ایم مودی کے ’بھارت میں امتیازی سلوک‘ والے بیان پر اویسی کا سوال:مودی کابینہ میں کیوں نہیں ہے ایک بھی مسلمان؟

No Muslim in Modi’s cabinet: Owaisi پی ایم مودی کے ’بھارت میں امتیازی سلوک‘ والے بیان پر اویسی کا سوال:مودی کابینہ میں کیوں نہیں ہے ایک بھی مسلمان؟

اویسی نے کہا کہ بھارت کے وزیراعظم نے بھارت میں امتیازی سلوک نہ کئے جانے کی بات کہی۔ اگر ایسا ہے تو پھر منی پور میں 300 گرجا گھروں کو جالا دیا گیا ،کیا یہ امتیازی سلوک نہیں ہے؟ شہریت ترمیمی قانون  بھید بھاو کی بنیاد پر ہی بنا ہے۔ بی جے پی کے پاس 300 وزرا ہیں  جن میں ایک بھی مسلم نہیں ہے ۔

No Muslim in Modi’s cabinet: Owaisi: وزیراعظم نریندر مودی کے امریکہ دورے کے دوران صدر بائیڈن کے ساتھ دوطرفہ مذاکرات ختم ہونے پر پریس کانفرنس کی ۔ اس پریس کانفرنس میں دونوں ملکوں کے مابین مفاہمت ناموں سے متعلق تفصیلات پیش کی گئیں ۔ اس کے بعد میڈیا اہلکاروں کے کچھ سوالات کے جوابات دئے گئے۔ پریس کانفرنس کے دوران جب سوال وجواب کا سلسلہ شروع ہوا اسی بیچ ایک صحافی نے پی ایم مودی سے بھارت میں اقلیتوں کے ساتھ امتیازی سلوک کے الزامات سے متعلق سوال پوچھا جس کا پی ایم مودی نے تفصیلی جواب دیا ۔ البتہ جواب سوال کے بہت زیادہ قریب نہیں تھا۔ البتہ پی ایم مودی نے اس سوال کے جواب میں جو بات کہی تھی اب اس پر ہندوستان  میں سوال اٹھنا شروع ہوگیا ہے۔

آل انڈیا مجلس اتحاد المسلمین کے صدر اور رکن پارلیمنٹ اسدالدین اویسی نے کہا کہ بھارت کے وزیراعظم نے 9 سال میں پہلی بار سوال کا سامنا کیا اور اس سوال جواب میں انہوں نے بھارت میں امتیازی سلوک نہ کئے جانے کی بات کہی۔ اگر ایسا ہے تو پھر منی پور میں 300 گرجا گھروں کو جلا دیا گیا ،کیا یہ امتیازی سلوک نہیں ہے؟ شہریت ترمیمی قانون  بھید بھاو کی بنیاد پر ہی بنا ہے۔ بی جے پی کے پاس 300 وزرا ہیں  جن میں ایک بھی مسلم نہیں ہے ۔ یہ سب امتیازی سلوک کی مثالیں ہیں ۔ اسد الدین اویسی نے کہا کہ وزیراعظم نریندر مودی باہر کے ملکوں میں پریس کانفرنس کرتے ہیں اور بھارت میں کیوں پیچھے ہٹ جاتے ہیں؟

واضح رہے کہ وزیراعظم نریندر مودی نے امریکہ میں پریس کانفرنس کے دوران کہا تھا کہ بھارت میں امتیازی سلوک اور بھید بھاو کیلئے کوئی جگہ نہیں ہے۔ اس پر اسدالدین اویسی نے کہا کہ ہم بھی امریکہ کے ساتھ بہتر رشتہ چاہتے ہیں  لیکن ہم نے بھی امریکہ کے سابق صدر براک حسین اوبامہ کا انٹرویو دیکھا ہے جس میں وہ اقلیتوں کے بارے میں بات کررہے ہیں اور آئینہ دکھا رہے ہیں ۔ پی ایم مودی ماضی میں اسی اوبامہ کے ساتھ چائے پیتے نظرآئے ہیں اورآج وہی ان کو امتیازی سلوک پر آئینہ دکھا رہے ہیں ۔ اسدالدین اویسی نے مزید کہا کہ حکومت نے مولانا آزاد فیلو شپ کو بند کردیا ، گئو رکشا کے نام پر مسلمانوں کو مارا جاتا ہے اور ان کے خلاف کوئی کاروائی نہیں ہوتی ۔ یہ سب اقلیتوں کے ساتھ امتیازی سلوک نہیں ہے تو اور کیا ہے؟ ۔

بھارت ایکسپریس۔

Also Read

تازہ ترین خبریں