ایوارڈ حاصل کرتے ہوئے بھارت ایکسپریس کے چیئرمین اوپیندر رائے
بھارت ایکسپریس کے چیئرمین، ایم ڈی اورایڈیٹراِن چیف اوپیندررائے کو’موسٹ امپیکٹ فل جرنلسٹ ان الیکٹرانک اینڈ سوشل میڈیا‘ سے سرفرازکیا گیا۔ ٹائیکون گلوبل گورننس اینڈ بزنس ایوارڈ تقریب میں بدھ کی شام ایوارڈ تقریب میں بھارت ایکسپریس کے چیئرمین اوپیندر رائے نے مہمان خصوصی کے طورپرشرکت کی۔ اس تقریب کا انعقاد دہلی کے ہوٹل لی میریڈین میں کیا گیا۔ اس سے قبل شمع روشن کرکے تقریب کا آغاز کیا گیا، جس میں سینئر صحافی اوپیند رائے، مرکزی وزیر رام داس اٹھاؤلے کے علاوہ کئی دیگر شخصیات نے شرکت کی۔
اس ایوارڈ تقریب میں کئی بیوروکریٹس، کارپوریٹ لیڈران، دانشوراوردیگرمعروف شخصیات شرکت کی۔ یہ پروگرام فلم جائنٹس پرائیویٹ لمیٹیڈ اورراج ویر شرما کے ذریعہ تیارکئے گئے ایلبم ’اپنی محبت‘ کے لانچ کے ساتھ شروع ہوا، جس کے بعد فلم جائنٹس ٹائیکون گلوبل ایوارڈ تقریب کی شروعات ہوئی۔
بھارت ایکسپریس کے چیئرمین اوپیندر رائے صحافت کی دنیا میں کافی مشہورہیں۔ صحافت میں ان کے تعاون کے لئے سینئر صحافی اوپیندر رائے کو کئی ایوارڈ سے سرفراز کیا جا چکا ہے۔ گزشتہ ماہ دہلی میں انہیں ’چانکیہ ایوارڈ‘ سے سرفرازکیا گیا تھا۔
بھارت ایکسپریس۔
