نئی دہلی: کانگریس انکیتا بھنڈاری قتل کیس میں مبینہ ’وی آئی پی‘ کے انکشاف سے متعلق سی بی آئی جانچ کے دوران دشیانت گوتم کو سکم کا گورنر مقرر کیے جانے کی مسلسل مخالفت کر رہی ہے۔ پارٹی کے سابق صدر راہل گاندھی نے گزشتہ روز انڈیا گیٹ پر احتجاج کرنے والے انکیتا کے اہل خانہ سے ملاقات کی تھی اور انہیں انصاف ملنے تک ساتھ دینے کا یقین دلایا تھا۔ اب راہل گاندھی نے صدر کو خط لکھ کر دشیانت گوتم کی تقرری پر دوبارہ غور کرنے کی اپیل کی ہے۔ انہوں نے درخواست کی کہ انکیتا کے والدین کی انصاف کی امید نہ ٹوٹنے دی جائے۔
انکیتا نے وی آئی پی کے لیے سمجھوتہ کرنے سے انکار کیا تھا: راہل
لوک سبھا میں قائد حزب اختلاف راہل گاندھی نے جمعرات کو صدر دروپدی مرمو کو بھیجے گئے خط میں کہا، ’’19 سالہ انکیتا بھنڈاری نے ایک وی آئی پی کے لیے اپنی عزت سے سمجھوتہ کرنے سے انکار کردیا تھا، جس کے باعث اس کا قتل کردیا گیا۔ چار سال بعد بھی سی بی آئی کی سست رفتار جانچ کی وجہ سے یہ سوال برقرار ہے کہ آخر وہ وی آئی پی کون تھا۔‘‘ انہوں نے مزید کہا کہ انکیتا کے اہل خانہ سمیت کئی لوگوں کا ماننا ہے کہ دشیانت گوتم اس معاملے سے وابستہ ہیں۔ ایسے میں انہیں سکم کا نیا گورنر مقرر کیے جانے پر وہ حیران ہیں۔ راہل گاندھی کے مطابق گورنر کے عہدے پر رہتے ہوئے ان کے خلاف کوئی مجرمانہ کارروائی نہیں کی جاسکتی۔
राष्ट्रपति महोदया,
19 साल की अंकिता भंडारी ने एक VIP के लिए अपनी गरिमा से समझौता करने से इनकार किया, जिसके कारण उसकी हत्या कर दी गई। चार साल बाद भी CBI की धीमी जांच के चलते यह सवाल बना हुआ है कि वो VIP कौन था।
अंकिता के परिवार समेत कई लोग मानते हैं कि दुष्यंत गौतम इस मामले से जुड़े हुए हैं। ऐसे में उनकी सिक्किम के राज्यपाल के पद पर नियुक्ति से मैं स्तब्ध हूं। राज्यपाल के पद पर रहते हुए उनके खिलाफ कोई आपराधिक कार्यवाही नहीं हो सकती।
दुष्यंत गौतम की नियुक्ति की सलाह देकर प्रधानमंत्री मोदी ने साबित किया है कि महिलाओं की सुरक्षा की उन्हें बिल्कुल परवाह ही नहीं है।
मैं आपसे अपील करता हूं कि सरकार को इस नियुक्ति पर पुनर्विचार करने और जांच पूरी होने तक दुष्यंत गौतम को पदभार न देने की सलाह दें।
अंकिता के माता-पिता की न्याय की उम्मीद मत टूटने दीजिए।
— Rahul Gandhi (@RahulGandhi) October 15, 2026
تقرری پر دوبارہ غور کرنے کی اپیل
راہل گاندھی نے خط میں کہا کہ دشیانت گوتم کو گورنر مقرر کرنے کی سفارش کرکے وزیر اعظم نریندر مودی نے ثابت کردیا ہے کہ انہیں خواتین کی سلامتی کی کوئی فکر نہیں ہے۔ انہوں نے صدر سے اپیل کی کہ حکومت کو اس تقرری پر دوبارہ غور کرنے اور جانچ مکمل ہونے تک دشیانت گوتم کو عہدہ سنبھالنے سے روکنے کا مشورہ دیا جائے۔ خط کے آخر میں راہل گاندھی نے کہا کہ انکیتا کے والدین کی انصاف کی امید نہ ٹوٹنے دی جائے۔
لوک بھون کے باہر کانگریس کا احتجاج
دشیانت گوتم کو سکم کا گورنر مقرر کیے جانے کے خلاف کانگریس کا احتجاج تیز ہوگیا ہے۔ جمعرات کو پارٹی نے دہرادون میں واقع لوک بھون کے باہر زبردست مظاہرہ کیا۔ اس احتجاج میں کانگریس کے بڑی تعداد میں کارکنوں کے ساتھ اتراکھنڈ یونٹ کے صدر گنیش گودیال، سابق وزیر اعلیٰ ہریش راوت اور ریاستی انتخابی انتظامی کمیٹی کے صدر ہرک سنگھ راوت سمیت کئی سینئر لیڈر موجود تھے۔ اس سے پہلے جمعرات کی صبح راہل گاندھی نے انکیتا کے والدین کو حراست میں لیے جانے پر حکومت کو نشانہ بنایا تھا۔ انہوں نے کہا کہ ان کی پارٹی متاثرہ خاندان کے ساتھ اس وقت تک کھڑی رہے گی، جب تک اسے انصاف نہیں مل جاتا۔ پولیس نے انکیتا کے والدین سمیت کانگریس کے کئی لیڈروں کو حراست میں لے لیا تھا، تاہم بعد میں انہیں رہا کردیا گیا۔
सुबह के 4 बजे। जब दुनिया सो रही थी, तब अंकिता भंडारी के माता-पिता को हिरासत में ले लिया गया।
उनका गुनाह? वे इंडिया गेट पर चुपचाप बैठे थे – बोझिल कंधों के साथ, बिना किसी हंगामे के और सिर्फ़ इतना माँग रहे थे कि CBI जाँच पूरी होने तक दुष्यंत गौतम को सिक्किम का राज्यपाल न बनाया जाए।
कल मैं और प्रियंका इन माता-पिता से मिले थे।
जिस जाँच का नतीजा आया नहीं, उसके पहले ही नियुक्ति की जल्दी और सवाल पूछने वाले माँ-बाप को रात के अंधेरे में उठा लिया गया।
इस सरकार की पहचान यही है: पीड़ितों की आवाज़ दबा दो, सवाल करने वालों को हटा दो।पर न्याय की लड़ाई न दबेगी, न रुकेगी।
कांग्रेस अंकिता भंडारी के परिवार के साथ खड़ी है, और खड़ी रहेगी – जब तक उन्हें न्याय नहीं मिलता।#JusticeForAnkitaBhandari
— Rahul Gandhi (@RahulGandhi) October 15, 2026
والدین کو حراست میں لیے جانے پر راہل گاندھی برہم
راہل گاندھی نے سوشل میڈیا پلیٹ فارم ایکس پر اپنی پوسٹ میں کہا کہ صبح چار بجے انکیتا کے والدین کو اس وقت حراست میں لے لیا گیا، جب وہ انڈیا گیٹ پر پرامن طور پر بیٹھے تھے۔ انہوں نے بتایا کہ والدین کا مطالبہ تھا کہ سی بی آئی کی جانچ مکمل ہونے تک بی جے پی لیڈر دشیانت گوتم کو سکم کا گورنر مقرر نہ کیا جائے۔ راہل گاندھی نے یہ بھی بتایا کہ وہ اور پرینکا گاندھی واڈرا ایک روز پہلے، بدھ کو انڈیا گیٹ پر انکیتا کے والدین سے ملے تھے۔ انہوں نے الزام لگایا، ’’جس جانچ کا نتیجہ ابھی سامنے نہیں آیا، اس سے پہلے ہی تقرری کردی گئی اور سوال پوچھنے والے ماں باپ کو رات کے اندھیرے میں اٹھا لیا گیا۔‘‘ کانگریس لیڈر نے کہا، ’’لیکن انصاف کی لڑائی نہ دبے گی، نہ رکے گی۔ کانگریس انکیتا کے خاندان کے ساتھ کھڑی ہے اور کھڑی رہے گی، جب تک انہیں انصاف نہیں مل جاتا۔‘‘
2022 میں ہوئی تھی انکیتا بھنڈاری کی موت
اتراکھنڈ کے رشی کیش کے قریب واقع وننترا ریزورٹ میں ریسپشنسٹ کے طور پر کام کرنے والی 19 سالہ انکیتا بھنڈاری کا ستمبر 2022 میں قتل کردیا گیا تھا۔ اس معاملے میں ریزورٹ کے مالک پلکت آریہ اور اس کے دو ملازمین کو عدالت نے قصوروار قرار دیا تھا۔ عدالت نے تینوں کو عمر قید کی سزا سنائی تھی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
