Iltija Mufti X Account withheld in India: محبوبہ مفتی کی بیٹی التجا مفتی کے خلاف بڑی کارروائی! بھارت میں ایکس اکاؤنٹ پرلگائی گئی پابندی

جموں و کشمیرکی سیاست سے متعلق ایک بڑی خبرسامنے آئی ہے۔ سابق وزیراعلیٰ اورپی ڈی پی لیڈرمحبوبہ مفتی کی بیٹی التجا مفتی کا ایکس (پہلے ٹوئٹر) اکاؤنٹ بھارت میں بلاک کردیا گیا ہے۔ اب جب ان کا اکاؤنٹ انڈیا میں کھولا جاتا ہے توایک پیغام آتا ہے، جس میں لکھا ہے کہ یہ اکاؤنٹ قانونی مطالبے کے جواب میں محدود کردیا گیا ہے۔ اس کارروائی کے بعد جموں و کشمیرکی سیاست میں بحث تیزہوگئی ہے۔ دراصل، کچھ دن پہلے التجا مفتی نے سوشل میڈیا پرایک ویڈیوشیئرکیا تھا۔

تحریک حریت تنظیم پربھارت سرکارپہلے ہی لگاچکی ہے پابندی

یہ ویڈیوجموں وکشمیرکے سابق علیحدگی پسند لیڈرسید علی شاہ گیلانی سے متعلق بتایا جا رہا ہے۔ اسی پوسٹ سے متعلق جموں وکشمیرپولیس نے ان کے خلاف ایف آئی آردرج کی تھی۔ پولیس کا کہنا ہے کہ جس تنظیم سے گیلانی جڑے رہے تھے، اس تحریک حریت تنظیم پربھارت سرکار پہلے ہی پابندی لگا چکی ہے۔ ایسے میں اس طرح کا ویڈیوشیئرکرنا جانچ کے دائرے میں آیا۔ ایف آئی آردرج ہونے کے بعد التجا مفتی کا ایکس اکاونٹ بھی بھارت میں بلاک کردیا گیا ہے۔ حالانکہ بھارت کے باہرکے کچھ مقامات پریہ اکاونٹ ابھی بھی دیکھا جاسکتا ہے۔

#BREAKING: X account of PDP leader Iltija Mufti has been withheld in India following a legal demand from authorities. The move comes days after Cyber Police Kashmir registered an FIR over the circulation of a video clip featuring late Hurriyat leader Syed Ali Shah Geelani on… pic.twitter.com/CYzO5PdxBo

— IANS (@ians_india) May 11, 2026

سیاسی پارٹیوں اورسوشل میڈیا پرمختلف ردعمل

ایکس کی طرف سے اکاونٹ پریہ جانکاری دی گئی ہے کہ یہ قدم قانونی حکم کے تحت اٹھایا گیا ہے۔ اس پورے معاملے سے متعلق سیاسی پارٹیوں اورسوشل میڈیا پرالگ الگ ردعمل سامنے آرہے ہیں۔ کچھ لوگ اسے قانون کے مطابق ہوئی کارروائی بتا رہے ہیں، جبکہ کچھ لوگ اسے اظہاررائے کی آزادی سے جوڑ کر دیکھ رہے ہیں۔ فی الحال اس معاملے میں التجا مفتی یا ایکس کی طرف سے کوئی تفصیلی بیان جاری نہیں کیا گیا ہے۔ آنے والے دنوں میں اس موضوع پرسیاست مزید تیزہونے کا امکان ظاہرکیا جا رہا ہے۔

 بھارت ایکسپریس اردو-