وزیر اعظم نریندر مودی 2 اگست کو وارانسی میں تقریباً 2200 کروڑ روپے مالیت کے متعدد ترقیاتی منصوبوں کا افتتاح اور سنگ بنیاد رکھیں گے۔ اس موقع پر وہ عوام سے خطاب بھی کریں گے۔ یہ منصوبے وارانسی کے انفراسٹرکچر، تعلیم، صحت، سیاحت، شہری ترقی اور ثقافتی ورثے کے شعبوں میں جامع تبدیلی کی راہ ہموار کریں گے۔
پی ایم مودی متعدد منصوبوں کا کریں گے افتتاح
وزیر اعظم وارانسی-بھدوہی روڈ، چھیتاونی-شول ٹنکیشور روڈ کی توسیع اور ہردت پور میں ریلوی اوور برج کا افتتاح کریں گے۔ ساتھ ہی دال منڈی، لہرتارا-کوٹوا، گنگاپور، بابت پور سمیت کئی دیہی و شہری راستوں کی توسیع کا سنگ بنیاد رکھیں گے۔ توانائی کے شعبے میں اسمارٹ ڈسٹری بیوشن پروجیکٹ اور بجلی کی زیر زمین تنصیبات کا بھی آغاز ہوگا۔ وہیں سیاحت کو فروغ دینے کے لیے آٹھ دریا کنارے کچی گھاٹوں کی تعمیر نو، کلیکا دھام کی ترقی، رنگلداس کٹیا تالاب کی خوبصورتی کی بحالی کی جائیں گی۔
اس کے علاوہ وزیر اعظم جل جیون مشن کے تحت 47 دیہی علاقوں میں پینے کے پانی کی اسکیموں کا افتتاح بھی کریں گے۔ تعلیم کے شعبے میں 53 اسکولوں کی عمارتوں کی اپ گریڈیشن اور ضلع لائبریری کی تعمیر کا بھی آغاز ہوگا۔ صحت کے شعبے میں پنڈت مدن موہن مالوہ کینسر سینٹر اور ہومی بھابھا کینسر ہسپتال میں جدید طبی آلات کا افتتاح ہوگا۔ وہیں ایک ہومیوپیتھک کالج اور جانوروں کے برتھ کنٹرول سنٹر کا سنگ بنیاد بھی رکھا جائے گا۔
کھیلوں کے لیے ڈاکٹر بھیم راؤ امبیڈکر اسپورٹس اسٹیڈیم میں مصنوعی ہاکی ٹرف کا افتتاح ہوگا۔ قانون نافذ کرنے والوں کے لیے رام نگر میں ملٹی پرپز ہال اور کوئیک ریسپانس ٹیم کے لیے بارکس کا سنگ بنیاد رکھا جائے گا۔ وہیں کسانوں کے لیے وزیراعظم کسان اسکیم کی 20ویں قسط جاری کی جائے گی، جس سے 9.7 کروڑ کسانوں کے بینک کھاتوں میں 20,500 کروڑ روپے سے زائد کی رقم منتقل ہوگی۔ اس کے علاوہ وزیر اعظم کاشی سنسد مقابلے کے مختلف پروگراموں کے رجسٹریشن پورٹل کا افتتاح کریں گے اور 7,400 سے زائد معذور و بزرگ افراد کو امدادی سامان فراہم کریں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
