ہنگامہ آرائی کے سبب پارلیمنٹ کی کارروائی ملتوی ہوگئی۔
نئی دہلی: پارلیمنٹ کا مانسون اجلاس آج 21 جولائی (بروزپیر) سے شروع ہوگئی۔ وزیراعظم مودی نے سیشن شروع ہونے سے پہلے میڈیا کو خطاب کیا۔ پارلیمنٹ کی کارروائی شروع ہوتے ہی اپوزیشن کے اراکین پارلیمنٹ نے نعرے بازی شروع کردی۔ لوک سبھا اورراجیہ سبھا دونوں ہی ایوانوں میں اپوزیشن کے اراکین پارلیمنٹ نے ‘جواب دو-جواب دو’ کے نعرے لگائے۔
ہنگامہ آرائی کی وجہ سے لوک سبھا اورراجیہ سبھا کی کارروائی 12 بجے تک کے لئے ملتوی کردی گئی ہے۔ 12 بجے دوبارہ کارروائی شروع ہوتے ہی پھرہنگامہ آرائی شروع ہوگئی، جس کے بعد صرف 15 منٹ کے اندردوبارہ ملتوی کردی گئی۔ لوک سبھا میں صدارت کررہے جگدمبیکا پال نے اپوزیشن کے ہنگامے کے بعد ایوان کی کارروائی کودوپہر2 بجے تک کے لئے ملتوی کردیا۔
#WATCH | BJP MP Jagdambika Pal says, “Why does the Opposition want to create ruckus in Parliament when the government has said that it is ready to give answers to any issues raised by the Opposition?. Today too, the PM has appealed that the House must run. Creating a ruckus in… pic.twitter.com/iQOsmiMHRk
— ANI (@ANI) July 21, 2025
راہل گاندھی نے لگایا بڑا الزام
وہیں، دوسری جانب، لوک سبھا میں اپوزیشن لیڈرراہل گاندھی نے ایک بارپھرالزام لگایا کہ ایوان میں اپوزیشن کے لوگوں کوبولنے نہیں دیا جاتا ہے۔ انہوں نے کہا کہ میں لیڈرآف اپوزیشن ہوں، میرا حق ہے، لیکن مجھے توبولنے ہی نہیں دیتے ہیں۔ حکومت کے لوگ بول سکتے ہیں۔ موضوع یہ ہے کہ اگرحکومت کے لوگ کچھ بولیں توہمیں بھی جگہ ملے، ہم دولفظ کہنا چاہتے تھے، لیکن اپوزیشن کویہ اجازت نہیں ہے۔
#WATCH | After Lok adjourned till 2 pm on the first day of the Monsoon session, LoP Lok Sabha Rahul Gandhi says, “The question is – the Defence Minister is allowed to speak in the House, but Opposition members, including me, who is the LoP, are not allowed to speak…This is a… pic.twitter.com/bD3ELbiEkd
— ANI (@ANI) July 21, 2025
راجناتھ سنگھ اور جے پی نڈا نے کیا کہا؟
اپوزیشن کی ہنگامہ آرائی کے درمیان وزیردفاع راجناتھ سنگھ نے کہا کہ ہم بحث کرنے کے لئے تیار ہیں۔ کوئی بھی موضوع ہو، حکومت بحث کرنے کے لئے تیار ہے۔ آپ جتنی دیرتک بحث چاہتے ہیں، آپ بتائیے گا، ہم پوری طرح بحث کے لئے تیار ہیں۔ وہیں راجیہ سبھا میں جب کانگریس اراکین پارلیمنٹ کی طرف سے تبصرہ کیا گیا توایوان کے لیڈراوربی جے پی صدرجے پی نڈا برہم ہوگئے۔ انہوں نے کانگریس رکن پارلیمنٹ رینوکا چودھری سے کہا کہ ترک میں طاقت ہوتی ہے، چلانے کی ضرورت نہیں ہوتی۔
In Lok Sabha, Defence Minister Rajnath Singh says, “The government is completely ready for discussion on any issue.” https://t.co/DnEPkSi7Vf pic.twitter.com/pvkUQ6RVSX
— ANI (@ANI) July 21, 2025
ایک ماہ تک چلے گا مانسون سیشن
پارلیمنٹ کا مانسون سیشن آج 21 جولائی سے شروع ہوچکا ہے۔ سیشن 21 اگست تک چلے گا۔ اس سیشن میں کئی اہم بلوں کے پیش کئے جائیں گے۔ وہیں دوسری طرف، اپوزیشن پارٹی کانگریس کی قیادت میں انڈیا الائنس نے بھی حکومت کو گھیرنے کی حکمت عملی تیار کی ہے۔ اپوزیشن کے ذریعہ اٹھائے گئے تمام سوالوں کا جواب وزیردفاع راجناتھ سنگھ دے سکتے ہیں۔ حالانکہ اپوزیشن مطالبہ کرے گا کہ وزیراعظم مودی جواب دیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
