کانگریس کے سابق صدر راہل گاندھی۔ (تصویر: ANI)
Gujarat News: وزیراعظم نریندر مودی کو ’چور‘ کہنے کے معاملے میں سورت کورٹ نے جمعرات کو سماعت کے بعد کانگریس لیڈر راہل گاندھی کو قصوروار قرار دے دیا ہے۔ قصوروار قرار دیئے جانے کے بعد راہل گاندھی کوعدالت نے فوراً ضمانت بھی دے دی ہے۔ دراصل یہ معاملہ 2019 کا ہے، جب وائناڈ سے لوک سبھا رکن راہل گاندھی نے عام انتخابات سے قبل کرناٹک کے کولارمیں منعقدہ عوامی جلسے میں وزیراعظم مودی کے سرنیم سے متعلق تبصرہ کیا تھا۔ جس کے بعد ان پر ہتک عزت کا معاملہ درج ہوا تھا۔ راہل گاندھی نے مبینہ طور پر کہا تھا کہ ‘کیوں سبھی چوروں کی طرح سرنیم مودی ہی ہوتا ہے’؟ راہل گاندھی کے اس تبصرہ کے خلاف بی جے پی کے رکن اسمبلی اور گجرات کے سابق وزیر پرنیش مودی نے عرضی داخل کرائی تھی۔
Gujarat | Surat District Court sentenced Congress MP Rahul Gandhi to two years of imprisonment in the criminal defamation case filed against him over his alleged ‘Modi surname’ remark.
He was later granted bail by the court. https://t.co/qmGNBIMTaF
— ANI (@ANI) March 23, 2023
ماہرین کے مطابق، قصوروار قرار دیئے جانے سے راہل گاندھی کی رکنیت پر خطرہ بن گیا ہے۔ وہیں، 2 سال کی سزا کا اعلان بھی ہوگیا ہے۔ حالانکہ راہل گاندھی نے عدالت میں کہا ‘میرے بیان سے کسی کو نقصان نہیں ہوا۔ انہوں نے کورٹ سے سزا کم کرنے کی اپیل کی ہے۔’ وہیں اشونی چوبے نے بتایا کہ راہل گاندھی عدالت کے کٹہرے میں ہیں۔ وہ جمہوریت کے کٹہرے میں بھی ہیں۔ اس مندر میں آکر معافی مانگنے کی بھی ہمت نہیں کر پا رہے ہیں۔’
Gujarat | Surat District Court sentenced Congress MP Rahul Gandhi to two years of imprisonment in the criminal defamation case filed against him over his alleged ‘Modi surname’ remark.
He was later granted bail by the court. https://t.co/qmGNBIMTaF
— ANI (@ANI) March 23, 2023
واضح رہے کہ راہل گاندھی کے خلاف آئی پی سی کی دفعہ 499،500 کے تحت جرم درج کیا گیا تھا۔ اس معاملے میں وہ آج تیسری بار عدالت میں پیش ہوئے ہیں۔ چیف عدالتی مجسٹریٹ ایچ ایچ ورما کی عدالت نے گزشتہ ہفتے دونوں فریق کی دلیلوں کی آخری سماعت کی تھی اور فیصلہ سنانے کے لئے 23 مارچ کی تاریخ طے کی تھی۔ آج سماعت کے بعد عدالت نے راہل گاندھی کو قصوروار قرار دے دیا ہے اور 2 سال کی سزا سنا دی ہے۔
بھارت ایکسپریس
