صدر جمہوریہ دروپدی مرمو نے وقف ترمیمی بل کو منظوری دے دی۔
نئی دہلی: وقف ترمیمی بل پارلیمنٹ کے دونوں ایوانوں سے پاس ہونے کے بعد اب قانون بھی بن گیا ہے۔ اسے صدرجمہوریہ کی منظوری مل گئی ہے۔ لوک سبھا اورراجیہ سبھا سے پاس ہونے کے بعد وقف ترمیمی بل کومنظوری کے لئے صدرجمہوریہ کے پاس بھیجا گیا تھا۔ صدرجمہوریہ کے دستخط کے ساتھ ہی وقف ترمیمی بل اب قانون بن گیا، جوکہ پورے ملک میں نافذ ہوگا۔ آپ کوبتادیں کہ لوک سبھا اورراجیہ سبھا میں منظوری کے بعد وقف ترمیمی بل کو منظوری کے لئے صدرجمہوریہ دروپدی مرموکے پاس بھیج دیا گیا تھا، جو اب منظور ہونے کے بعد قانون بن گیا۔
پارلیمنٹ کے ایوان بالا راجیہ سبھا میں وقف ترمیمی بل کے حق میں 128 ووٹ اور خلاف میں 95 ووٹ پڑے تھے۔ اس سے پہلے لوک سبھا میں اس کے حق میں 288 اور خلاف میں 232 ووٹ پڑے تھے۔ دونوں ایوانوں میں اپوزیشن پارٹیوں نے اس کی پُرزورمخالفت کی تھی۔ اپوزیشن پارٹیوں کے لیڈران نے اسے غیرآئینی قراردیا تھا۔ کانگریس صدر ملیکا ارجن کھڑگے نے حکومت سے بل واپس لینے کی اپیل بھی کی تھی۔
President Droupadi Murmu gives assent to Waqf Amendment Bill
Read @ANI Story |https://t.co/BjcW1Grb2O#President #droupadimurmu #WaqfAmendmentBill #WaqfAct pic.twitter.com/A0oiM0toiT
— ANI Digital (@ani_digital) April 5, 2025
بل سے متعلق حکومت حکومت کا دعویٰ
اس بل سے متعلق حکومت کا دعویٰ ہے کہ اس سے وقف ترمیمی بل میں شفافیت، جوابدہی اورشمولیت کو فروغ ملے گا۔ غریب مسلمان جو اپنے حقوق سے محروم تھے ان کو ان کا حق ملے گا۔ یہ ملک میں مسلمانوں کے سماجی و اقتصادی حالات کو بہتر بنانے کی طرف ایک اہم قدم ہے۔ غریب مسلمان جو اپنے حقوق سے محروم رہتے تھے، انہیں ان کے حقوق ملیں گے۔ ملک میں مسلمانوں کی سماجی اور اقتصادی صورتحال میں سدھار کی سمت میں ایک اہم قدم ہے۔ صدرجمہوریہ دروپدی مرموکی طرف سے ترمیم اورمنظوری کے بعد، اس بل کا نام اب یونیفائیڈ مینجمنٹ ایمپاورمنٹ ایفیشنسی اینڈ ڈیولپمنٹ (UMEED) ہوگیا ہے۔ یہ قانون اس بات کویقینی بناتا ہے کہ خواتین کو وقف املاک پرمساوی وراثت کے حقوق حاصل ہوں، جو صنفی مساوات کو فروغ دینے اورمسلم خواتین کو بااختیاربنانے کی کوششوں کا ایک اہم حصہ ہے
The Waqf(Amendment) Act, 2025 receives the assent of President Droupadi Murmu on April 5. pic.twitter.com/E3P7Sx71zH
— ANI (@ANI) April 5, 2025
آل انڈیا مسلم پرسنل لا بورڈ نے کیا تحریک چلانے کا اعلان
آل انڈیا مسلم پرسنل لا بورڈ (اے آئی ایم پی ایل بی) نے ہفتہ (5 اپریل، 2025) کو اس بل کی مخالفت میں ملک گیرتحریک چلانے کی وارننگ دی ہے۔ اے آئی ایم پی ایل بی دہلی، ممبئی، کولکاتا، حیدرآباد، بنگلورو، چنئی، وجے واڑہ، ملپورم، پٹنہ، رانچی، مالیرکوٹلہ اورلکھنو میں بڑے پیمانے پر احتجاجی مظاہرہ کرے گی۔ کانگریس کے راجیہ سبھا رکن پارلیمنٹ ابھیشیک منوسنگھوی نے کہا کہ برسراقتدار جماعت نے اکثریت کا غلط استعمال کیا ہے اور بل کو زبردستی تھوپا گیا ہے۔ وہیں، دوسری جانب، حکومت کا کہنا ہے کہ اس قانون سے مسلم خواتین کو فائدہ ہوگا اوروقف املاک کے انتظام میں شفافیت کویقینی بنایا جائے گا۔ وقف ترمیمی بل کی ایک ماہ قبل نوین پٹنائک کی پارٹی بیجوجنتا دل (بی جے ڈی) نے مخالفت کی تھی۔ تاہم، بعد میں بل پربحث کے بعد، بی جے ڈی نے اپنے اراکین پارلیمنٹ سے آزادانہ طورپرووٹ ڈالنے کوکہا تھا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
