مرکزی وزیر داخلہ امت شاہ نے ‘بَستر پَنڈم’ پروگرام میں شرکت کی۔ اس دوران وزیر داخلہ امت شاہ نے نکسلیوں سے خصوصی اپیل کی ہے۔ امت شاہ نے کہا، ‘میں نکسلیوں سے اپیل کرتا ہوں کہ وہ ہتھیار ڈال دیں اور مین اسٹریم میں شامل ہو جائیں۔ اُن کے مارے جانے پر کوئی خوش نہیں ہوتا۔
मोदी सरकार में बस्तर नक्सलमुक्त हो रहा है और विकास का स्वर्णिम कालखंड देख रहा है। दंतेवाड़ा (छत्तीसगढ़) में आयोजित ‘बस्तर पंडुम’ में जनजातीय बहनों-भाइयों से संवाद कर रहा हूँ… https://t.co/Mr7fKDh2p5
— Amit Shah (@AmitShah) April 5, 2025
نکسل ازم سے پاک ہورہا ہے بَستر
شاہ امت شاہ نے کہا کہ مودی حکومت کے تحت بَستر نکسل فری ہو رہا ہے۔ یہ ترقی کے سنہری دور کا مشاہدہ کر رہا ہے۔ ایسے میں نکسل ازم کو مکمل طور پر ختم کرنے کی کوششیں جاری ہیں۔ نکسلی بستر کے قبائلیوں کی ترقی کو نہیں روک سکتے۔ انہیں ترقی کے سفر کا حصہ بننا ہوگا۔
حال ہی میں چھتیس گڑھ حکومت نے نکسل سے متاثرہ سکما، بیجاپور اور نارائن پور اضلاع میں تعمیراتی کاموں میں شفافیت اور جوابدہی کو یقینی بنانے کے لیے ‘ضلع تعمیراتی کمیٹی’ کے قیام کو منظوری دی ہے۔ انہوں نے بتایا کہ وزیراعلیٰ وشنو دیوسائی نے کہا کہ بدعنوانی کو کسی بھی سطح پر برداشت نہیں کیا جائے گا اور نکسل متاثرہ علاقوں میں عوامی پیسے سے ہونے والے ترقیاتی کاموں میں معیار اور شفافیت کو یقینی بنانا اولین ترجیح ہوگی۔
ضلعی تعمیراتی کمیٹی کی تشکیل کا حکم
حکام کے مطابق محکمہ جنرل ایڈمنسٹریشن نے ضلعی تعمیراتی کمیٹی کی تشکیل کا حکم جاری کر دیا ہے۔ یہ کمیٹی تعمیراتی کاموں کے بہتر نفاذ، نگرانی اور جانچ کے لیے بنائی گئی ہے۔ حکام کے مطابق ڈسٹرکٹ مجسٹریٹ کمیٹی کے چیئرمین ہوں گے۔ ضلع کے پولیس سپرنٹنڈنٹ، ضلع پنچایت کے سی ای او، ڈی ایف او، محکمہ تعمیرات عامہ کے ایگزیکٹیو انجینئر، ڈسٹرکٹ ٹریژری آفیسر اور متعلقہ کام کے ڈسٹرکٹ ہیڈ آفیسر اس کمیٹی کے رکن ہوں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
