کانگریس ایم پی جے رام رمیش
Delhi Election Results 2025: دہلی اسمبلی انتخابات کے نتائج پر کانگریس کے جنرل سکریٹری جے رام رمیش نے کہا کہ 2025 کے دہلی اسمبلی انتخابات کے نتائج اروند کیجریوال اور عام آدمی پارٹی پر ریفرنڈم سے زیادہ کچھ نہیں ہیں۔ انہوں نے کہا کہ جب 2015 اور 2020 میں وزیر اعظم کی مقبولیت اپنے عروج پر تھی تب بھی AAP نے دہلی میں فیصلہ کن جیت حاصل کی تھی۔
یہ نتائج وزیراعظم کی پالیسیوں کی توثیق نہیں ہیں
کانگریس لیڈر جے رام رمیش نے کہا، دہلی انتخابی نتیجہ وزیر اعظم کی پالیسیوں پر منظوری کی مہر نہیں ہے، بلکہ یہ مینڈیٹ فریب، دھوکہ دہی کی سیاست اور اروند کیجریوال کی کامیابیوں کے مبالغہ آمیز دعوؤں کو مسترد کرتا ہے۔ کانگریس پارٹی نے اروند کیجریوال کے دور حکومت میں ہونے والے مختلف گھوٹالوں کو بے نقاب کرنے میں اہم کردار ادا کیا۔ دہلی کے رائے دہندگان نے عام آدمی پارٹی کے بارہ سال کے دور حکومت پر اپنا فیصلہ سنا دیا ہے۔
2030 میں دہلی میں حکومت بنائے گی کانگریس
انہوں نے کہا کہ کانگریس اس الیکشن میں بہتر کارکردگی کی توقع کر رہی تھی۔ تاہم پارٹی نے اپنا ووٹ شیئر بڑھایا ہے۔ کانگریس کی انتخابی مہم شاندار رہی۔ پارٹی بھلے ہی اسمبلی میں جیت نہ پائی ہو، لیکن دہلی میں اس کی اب بھی مضبوط موجودگی ہے، جسے کانگریس کے لاکھوں کارکنوں کی مسلسل کوششوں سے مزید تقویت ملے گی۔ 2030 میں دہلی میں دوبارہ کانگریس کی حکومت بنے گی۔
یہ بھی پڑھیں- Delhi Election Results 2025: دہلی میں کیوں ہاری AAP؟ یوٹیوبر دھرو راٹھی نے بی جے پی پر حملہ کرتے ہوئے بتائی وجہ
دہلی انتخابی نتائج پر پرینکا گاندھی کا ردعمل
دہلی اسمبلی انتخابات کے نتائج پر کانگریس ایم پی پرینکا گاندھی نے کہا، دہلی کے لوگوں نے اس بار تبدیلی کو ووٹ دیا ہے۔ AAP حکومت کے کام کرنے کے انداز سے دہلی والے تنگ آچکے ہیں۔ عام آدمی پارٹی (اے اے پی) کے کنوینر اروند کیجریوال کو بھارتیہ جنتا پارٹی (بی جے پی) کے پرویش ورما نے نئی دہلی کے حلقے میں 4,089 ووٹوں کے فرق سے شکست دی ہے، جو حکمراں جماعت کے لیے ایک بڑا دھچکا ہے۔ بی جے پی 27 سال بعد دہلی میں دوبارہ حکومت بنانے جا رہی ہے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
