پی ایم مودی اور ملکارجن کھڑگے
نئی دہلی: ہندوستان آج یوم جمہوریہ منا رہا ہے۔ قومی تہوار پر ہم وطنوں کو مبارکباد دیتے ہوئے وزیر اعظم نریندر مودی نے اسے آئین کی اقدار کے تحفظ کی علامت قرار دیا۔ وزیر اعظم مودی نے سوشل میڈیا پلیٹ فارم پر لکھا، ’’آج ہم اپنی شاندار جمہوریہ کی 75 ویں سالگرہ منا رہے ہیں۔ اس موقع پر ہم ان تمام عظیم شخصیات کو سلام پیش کرتے ہیں جنہوں نے ہمارے آئین کا مسودہ بنا کر اس بات کو یقینی بنایا کہ ہماری ترقی کا سفر جمہوریت، وقار اور اتحاد پر مبنی ہو۔ یہ قومی تہوار ہمارے آئین کی اقدار کو محفوظ رکھنے کے ساتھ ہی ایک مضبوط اور خوشحال ہندوستان بنانے کی سمت میں ہماری کوششوں کو مزید تقویت دے، یہی تمنا ہے۔
Happy Republic Day.
Today, we celebrate 75 glorious years of being a Republic. We bow to all the great women and men who made our Constitution and ensured that our journey is rooted in democracy, dignity and unity. May this occasion strengthen our efforts towards preserving the…
— Narendra Modi (@narendramodi) January 26, 2025
اس موقع پر کانگریس کے قومی صدر ملکارجن کھڑگے نے ہم وطنوں کے نام ایک کھلا خط لکھا ہے۔ اس میں انہوں نے یوم جمہوریہ کی نیک خواہشات کے ساتھ دستور کی اہمیت کو بھی سمجھانے کی کوشش کی ہے۔ پوسٹ میں، انہوں نے لکھا، ’’انڈین نیشنل کانگریس کی طرف سے، میں آپ سب کو یوم جمہوریہ پر دل کی گہرائیوں سے نیک خواہشات پیش کرتا ہوں۔ اس سال، ہم ہندوستانی جمہوریہ کے ضمیر اور روح کو اپنانے کے 75 سال مکمل کر رہے ہیں۔ میں اس پر اپنا پیغام شیئر کر رہا ہوں۔” اس خط میں انہوں نے عظیم انسانوں کو یاد کرتے ہوئے آئین کی طاقت کی تعریف کی ہے۔
My dear fellow citizens,
On behalf of the Indian National Congress, I extend my warm Republic Day wishes to each one of you.
This year, we complete 75 years of adopting the conscience keeper and soul of the Indian Republic – the Constitution of India.
Sharing my message… pic.twitter.com/mYPe3y18gQ
— Mallikarjun Kharge (@kharge) January 26, 2025
بتا دیں کہ آج یوم جمہوریہ کے موقع پر صدر دروپدی مرمو صبح 10:30 بجے کرتویہ پتھ پر ترنگا لہرائیں گے۔ انڈونیشیا کے صدر پرابوو سوبیانتو اس بار مہمان خصوصی ہیں۔ وزیر اعظم مودی کے علاوہ راج ناتھ سنگھ اور اپوزیشن لیڈر راہل گاندھی بھی یہاں موجود رہیں گے۔
اس بار یوم جمہوریہ کا تھیم ’گولڈن انڈیا-ہیریٹیج اینڈ ڈویلپمنٹ‘ ہے۔ پریڈ دیکھنے کے لیے ہزاروں کی تعداد میں خصوصی مہمانوں کو مدعو کیا گیا ہے۔ ان میں پیرا اولمپک ٹیمیں، بہترین کارکردگی کا مظاہرہ کرنے والے گاؤں کے سرپنچ، جنگلی حیات کے تحفظ کے کارکن وغیرہ شامل ہیں۔
بھارت ایکسپریس۔
