وزیر داخلہ امت شاہ
دہلی: مرکزی وزیر داخلہ امیت شاہ نے کہا کہ کل سے کانگریس حقائق کو توڑ مروڑ کر پیش کر رہی ہے اور میں اس کی مذمت کرتا ہوں… کانگریس بی آر امبیڈکر مخالف ہے، یہ ریزرویشن اور آئین کے خلاف ہے۔ کانگریس نے ایمرجنسی نافذ کرکے تمام آئینی اقدار کی خلاف ورزی کی۔
#WATCH | Delhi: Union Home Minister Amit Shah says, “……Since yesterday, Congress has been presenting the facts in a distorted way and I condemn it… Congress is anti-BR Ambedkar, it is against reservation and the Constitution. Congress also insulted Veer Savarkar. By… pic.twitter.com/V2QYjPz11V
— ANI (@ANI) December 18, 2024
شاہ نے کہا ’’جب پارلیمنٹ میں بحث چل رہی تھی، تو یہ ثابت ہو گیا کہ کانگریس نے بابا صاحب امبیڈکر کی مخالفت کیسے کی؟ کیسے کانگریس نے بابا صاحب کی موت کے بعد بھی ان کا مذاق اڑانے کی کوشش کی… جہاں تک بھارت رتن دینے کا تعلق ہے، کانگریس کے لیڈر کئی بار خود کو بھارت رتن دے چکے ہیں، نہرو نے 1955 میں خود کو بھارت رتن دیا تھا۔ اندرا نے 1971 میں خود کو بھارت رتن دیا اور بابا صاحب کو 1990 میں بھارت رتن ملا، جب کانگریس پارٹی اقتدار میں نہیں تھی اور بھارتیہ جنتا پارٹی کی حمایت یافتہ حکومت تھی۔ امبیڈکر کے تئیں نہرو کی نفرت سب کو معلوم ہے۔‘‘
#WATCH | Delhi: Union Home Minister Amit Shah says, “…When the discussion was going on in the Parliament, it was proved how the Congress opposed Baba Saheb Ambedkar. How the Congress tried to make fun of Baba Saheb even after his death… As far as giving Bharat Ratna is… pic.twitter.com/rzMAU3mzNg
— ANI (@ANI) December 18, 2024
انہوں نے کہا، ’’میرے بیان کو توڑ مروڑ کر پیش کیا گیا تھا۔ اس سے پہلے انہوں نے پی ایم نریندر مودی کے ترمیم شدہ بیانات کو پبلک کیا تھا۔ جب الیکشن چل رہے تھے، میرے بیان کو اے آئی کا استعمال کرتے ہوئے ایڈٹ کیا گیا۔ اور آج وہ میرے بیان کو توڑ مروڑ کر پیش کر رہے ہیں۔ میں میڈیا سے بھی درخواست کرنا چاہتا ہوں کہ میرا پورا بیان عوام کے سامنے رکھیں۔ میں اس پارٹی سے تعلق رکھتا ہوں جو امبیڈکر جی کی کبھی توہین نہیں کر سکتی۔ پہلے جن سنگھ اور پھر بھارتیہ جنتا پارٹی نے ہمیشہ امبیڈکر جی کے اصولوں پر چلنے کی کوشش کی ہے۔ جب بھی بھارتیہ جنتا پارٹی اقتدار میں تھی، ہم نے امبیڈکر جی کے اصولوں کا پرچار کیا ہے۔ بھارتیہ جنتا پارٹی نے ریزرویشن کو مضبوط کرنے کے لیے کام کیا ہے… میں یہ کانگریس صدر ملکارجن کھرگے سے بھی کہنا چاہتا ہوں کہ آپ کو کانگریس کی اس مذموم کوشش کی حمایت نہیں کرنی چاہیے تھی۔ مجھے بہت دکھ ہے کہ آپ بھی راہل گاندھی کے دباؤ میں اس میں شامل ہو گئے ہیں۔‘‘
#WATCH | Delhi: Union Home Minister Amit Shah says, “…My statement was presented in a distorted manner. Earlier they made PM Narendra Modi’s edited statements public. When the elections were going on, my statement was edited using AI. And today they are presenting my statement… pic.twitter.com/Br3AGEARqQ
— ANI (@ANI) December 18, 2024
پی ایم مودی نے یادگاریں بنائیں: امت شاہ
امت شاہ نے کہا کہ پی ایم مودی کی حکومتوں نے بابا صاحب پنچتنتر کو تیار کیا۔ ناگپور میں دیکشا بھومی تیار کی۔ 19 نومبر 2015 کو وزیر اعظم نے یوم آئین کا اعلان کیا۔ امت شاہ نے کہا کہ میرا ویڈیو الیکشن کے دوران ایڈٹ کر کے پھیلایا گیا۔ اب امبیڈکر کے بارے میں غلط فہمی پھیلائی جا رہی ہے۔ میں اس پارٹی سے آیا ہوں جو بابا صاحب کی توہین نہیں کر سکتی۔ ہم نے امبیڈکر کے کام کو آگے بڑھایا ہے۔ ہم نے ریزرویشن کو آگے بڑھانے کے لیے کام کیا۔
واضح کہ منگل کے روز راجیہ سبھا میں آئین کے 75 سال مکمل ہونے پر بحث کے دوران وزیر داخلہ امت شاہ نے کہا تھا، ’’آج کل امبیڈکر کا نام لینا ایک فیشن بن گیا ہے۔ اتنا نام بھگوان کا لیتے تو سات جنموں تک سورگ (جنت) مل جاتا۔ سو بار اور نام لیجئے، لیکن میں جاننا چاہتا ہوں کہ آپ کے من میں ان کے لیے کیا جذبات ہیں؟ امت شاہ کے اس بیان پر بدھ کے روز ایوان میں ہنگامہ ہوا۔ کانگریس پارٹی سمیت تمام اپوزیشن لیڈروں نے امت شاہ پر بی آر امبیڈکر کی توہین کا الزام لگایا ہے اور معافی مانگنے کا مطالبہ کیا ہے۔
بھارت ایکسپریس۔
