بی جے پی جنرل سکریٹری ونود تاؤڑے کے خلاف ایف آئی آر درج کی گئی ہے۔
Maharashtra Assembly Election 2024: مہاراشٹر اسمبلی الیکشن کی ووٹنگ سے ٹھیک پہلے بی جے پی کے جنرل سکریٹری ونود تاؤڑے کی پریشانی میں اضافہ ہوگیا ہے۔ پیسے تقسیم کرنے کے الزام میں الیکشن کمیشن کی شکایت پر ان کے خلاف ایف آئی آر درج کی گئی ہے۔ وسئی ورار کے تُلنج پولیس اسٹیشن میں یہ معاملہ درج کیا گیا ہے۔ ان کے علاوہ بی جے پی امیدوار راجن نائک پر بھی معاملہ درج ہوا ہے۔ اس کے ساتھ ہی الیکشن کمیشن نے 9 لاکھ روپئے برآمد کیا ہے۔ ساتھ ہی کچھ کاغذات بھی برآمد کئے گئے ہیں۔
وسئی ورار میں بہوجن وکاس اگھاڑی نے ونود تاؤڑے پر پیسے تقسیم کرنے کا سنگین الزام لگایا تھا۔ اس الزام میں پال گھر کے نالا سپارہ میں بی جے پی اور بہوجن وکاس اگھاڑی کے کارکنان کے درمیان جھگڑا بھی ہوا۔
#WATCH | Pune, Maharashtra | SDO Baramati and Returning Officer, Vaibhav Navadkar says, “In Baramati Assembly Constituency, there are 386 polling booths. The polling parties have been dispatched to their respective polling booths. We have deployed sector officers in 39… pic.twitter.com/Wc6wg9Lyqe
— ANI (@ANI) November 19, 2024
#WATCH | Palghar, Maharashtra | Accusing BJP of distributing money ahead of Assembly polls tomorrow, Bahujan Vikas Aghadi leader Hitendra Thakur says, “The election commissioner here has recovered a bag filled with money and diaries. There is a list of names mentioning how much… pic.twitter.com/LLctfuPfQN
— ANI (@ANI) November 19, 2024
ونود تاؤڑے نے کیا کہا؟
وہیں اس الزام پرونود تاؤڑے نے کہا “نالا سوپارہ علاقے میں میٹنگ چل رہی تھی۔ اس میں ووٹنگ کے دن اورضابطہ اخلاق کے کیا ضوابط ہیں۔ پولنگ میں کیا ہوتا ہے وہ بتانے میں وہاں پہنچا تھا۔ اپوزیشن کو لگا کہ میں پیسے تقسیم کررہا ہوں، جس سے جانچ کروانا ہے کروا لو۔ الیکشن کمیشن کو اس پر منصفانہ جانچ کرنی چاہئے۔”
#WATCH | BJP National General Secretary Vinod Tawde says, “…a meeting of MLAs of Nalasopara was underway. The Model Code of Conduct for the day of voting, how will voting machines be sealed and how to go about if an objection has to be made…I went there to tell them about it.… https://t.co/kOupjvw0wE pic.twitter.com/3JFRdecQp1
— ANI (@ANI) November 19, 2024
گاڑی کی جانچ کرنے کا مطالبہ
بہوجن وکاس اگھاڑی کے لیڈران نے بی جے پی لیڈر ونود تاؤڑے کی گاڑی کی جانچ کا مطالبہ کیا ہے۔ ووٹنگ سے ٹھیک ایک دن پہلے ہوئے اس حادثہ نے سیاسی گلیاروں میں ہلچل پیدا کردی ہے۔ اپوزیشن اس پورے معاملے پر بی جے پی کو گھیر رہا ہے۔ واضح رہے کہ مہاراشٹر کی سبھی 288 سیٹوں پرکل ووٹنگ ہونے والی ہے۔
بی جے پی پیسے اورطاقت سے الیکشن کی کوشش میں مصروف: پرینکا چترویدی
اس درمیان شیوسینا (یوبی ٹی) کی لیڈر پرینکا چترویدی کا ردعمل سامنے آیا ہے۔ انہوں نے کہا کہ بی جے پی صرف پیسے اور طاقت کے زورپر الیکشن جیتنے کی کوشش میں لگی ہے، جو کام الیکشن کمیشن کو کرنا چاہئے تھا، وہ عام کررہی ہے۔ انہوں نے کہا کہ الیکشن کمیشن کومعاملے میں نوٹس لینا چاہئے۔ الیکشن کمیشن سے متعلق ہمارا بھروسہ ٹوٹ گیا ہے۔ دن رات ہمارے لیڈران کے بیگ چیک ہوتے رہے، لیکن کچھ نہیں ملا۔ وہیں بی جے پی لیڈر ونود تاؤڑے کا بیگ چیک نہیں کیا گیا، وہ پیسے تقسیم کررہے ہیں۔
الیکشن کمیشن کو فوراً ایکشن لینا چاہئے: نانا پٹولے
مہاراشٹرکانگریس کے صدرنانا پٹولے نے کہا کہ انتخابی تشہیربند ہونے کے بعد ونود تاؤڑے وہاں کیا کررہے تھے۔ الیکشن کمیشن کے ضوابط کی انہوں نے خلاف ورزی کی ہے۔ بی جے پی نے مہاراشٹرمیں حکومت کو توڑنے کے لئے اراکین اسمبلی کو خریدا تھا، یہ سب کو معلوم ہے۔ اب ہارنے کے ڈر سے وہ مہاراشٹر کے لوگوں کو پیسہ تقسیم کرکے الیکشن جیتنا چاہتے ہیں۔ بی جے پی کا موقف واضح ہوگیا ہے۔ الیکشن کمیشن کو فوراً ایکشن لینا چاہئے۔
-بھارت ایکسپریس
