وزیر داخلہ امت شاہ کا بڑا اعلان، پی ایم مودی اسی دور حکومت میں 'ون نیشن ون الیکشن' کریں گے نافذ
One Nation One Election: مودی حکومت کی تیسری میعاد کے 100 دن مکمل ہونے پر مرکزی وزیر داخلہ امت شاہ اور اشونی وشنو نے پریس کانفرنس کی اور حکومت کی کامیابیوں کا ذکر کیا۔ پریس کانفرنس میں وزیر داخلہ امت شاہ نے بڑا اعلان کرتے ہوئے کہا کہ پی ایم مودی اس دور حکومت میں ‘ون نیشن، ون الیکشن’ کو نافذ کریں گے۔ واضح رہے کہ بی جے پی نے اپنے منشور میں اس کا وعدہ کیا تھا۔ اس کے ساتھ ہی یوم آزادی کے موقع پر وزیر اعظم مودی نے لال قلعہ کی فصیل سے دی گئی اپنی تقریر میں ‘ون نیشن، ون الیکشن’ کا ذکر کیا تھا۔ انہوں نے اس وقت کہا تھا کہ سابق صدر رام ناتھ کووند کی صدارت میں ایک کمیٹی بنائی گئی تھی جس نے اپنی رپورٹ پیش کر دی ہے۔ اسی دور میں ‘ون نیشن، ون الیکشن’ ہوں گے۔
60 سال بعد ملک میں سیاسی استحکام: امت شاہ
مودی حکومت کی کامیابیوں کا ذکر کرتے ہوئے مرکزی وزیر داخلہ امت شاہ نے پریس کانفرنس میں کہا، ”60 سال کے بعد ایک لیڈر مسلسل تیسری بار وزیر اعظم بن کر ملک کی قیادت کر رہا ہے۔ ملک میں 60 سال بعد سیاسی استحکام آیا ہے۔ انہوں نے کہا کہ گزشتہ 10 سالوں میں مودی حکومت نے ملک کی بیرونی سلامتی، داخلی سلامتی اور ملک کے دفاعی نظام کو مضبوط بنا کر ایک محفوظ ہندوستان بنانے میں بڑی کامیابی حاصل کی ہے۔ نئی تعلیمی پالیسی لانے کے لیے کام کیا گیا۔ “ہندوستان پوری طرح سے دنیا میں پیداوار کا سب سے پسندیدہ مرکز بن گیا ہے۔”
ہندی کا مقامی زبان سے کوئی مقابلہ نہیں
وزیر داخلہ امت شاہ نے مزید کہا کہ ’’کوئی بھی ملک اپنی مقامی زبانوں کو ختم کرکے ترقی نہیں کرسکتا۔ ہماری ثقافت، ہماری تاریخ اور ہماری روایات مقامی زبانوں سے جڑی ہوئی ہیں۔ جہاں تک سرکاری زبان کا تعلق ہے، میں نے واضح کر دیا ہے کہ ہندی کا کسی مقامی زبان سے کوئی مقابلہ نہیں ہے۔ دفتری زبان کا محکمہ خود ایک ایسا پورٹل لائے گا، جو چند ہی سیکنڈ میں آئین کے آٹھویں شیڈول کی تمام زبانوں میں تمام آرٹیکلز کا ترجمہ کر دے گا۔
-بھارت ایکسپریس
