آر جے ڈی لیڈر تیجسوی یادو
پٹنہ: انڈیا الائنس کی اتحادی پارٹی راشٹریہ جنتا دل (آر جے ڈی) کے لیڈر تیجسوی یادو نے راہل گاندھی پر انفورسمنٹ ڈائریکٹوریٹ کے چھاپے کے سوال پر اپنا جواب دیا۔ انہوں نے کہا کہ تفتیشی اداروں کی اب کوئی اہمیت نہیں رہی۔ ایجنسیاں حکومت کے کھلونوں کی طرح کام کر رہی ہیں۔
بہار اسمبلی میں اپوزیشن لیڈر تیجسوی یادو نے کہا، ’’سچائی سب کے سامنے ہے۔ چھاپے مارنے کا کوئی فائدہ نہیں ہے۔ ای ڈی اور جانچ ایجنسیوں کی اب کوئی اہمیت نہیں ہے۔ یہ ایجنسیاں حکومت کے کھلونوں کے طور پر کس طرح کام کر رہی ہیں؟ یہ سب جانتے ہیں۔‘‘
واضح رہے کہ کانگریس کے رکن پارلیمنٹ اور لوک سبھا میں اپوزیشن لیڈر راہل گاندھی نے 2 اگست کو دعویٰ کیا کہ انفورسمنٹ ڈائریکٹوریٹ (ای ڈی) ان پر چھاپہ مارنے کا منصوبہ بنا رہا ہے۔ انہوں نے کہا کہ ای ڈی کے کچھ لوگوں نے انہیں داخلی طور پر چھاپے کی منصوبہ بندی کے بارے میں مطلع کیا ہے، اور وہ ان کا انتظار کر رہے ہیں۔
جمعہ کے روز سوشل میڈیا پلیٹ فارم ‘X’ پر ایک پوسٹ میں لوک سبھا میں اپوزیشن لیڈر راہل گاندھی نے کہا، ظاہر ہے، 2 ان ون کو میری چکرویہ تقریر پسند نہیں آئی۔ ED کے ’اندرونی لوگوں‘ نے مجھے بتایا ہے کہ چھاپوں کی منصوبہ بندی کی جا رہی ہے۔ میں کھلے دل سے ان کا انتظار کر رہا ہوں۔ چائے اور بسکٹ پر ملیں گے۔”
یہی نہیں راہل گاندھی نے اپنی پوسٹ میں انفورسمنٹ ڈائریکٹوریٹ کے آفیشل ‘X’ ہینڈل کو بھی ٹیگ کیا۔ انہوں نے مرکزی بجٹ پر بحث کے دوران 29 جولائی کو لوک سبھا میں دی گئی اپنی تقریر کا بھی ذکر کیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
