مودی حکومت نے دہلی کی طرز پر جموں وکشمیر کے لیفٹیننٹ گورنر کے اختیارات میں بھی اضافہ کردیا ہے۔
مودی حکومت نے جموں وکشمیرسے متعلق بڑا فیصلہ لیا ہے۔ اسمبلی الیکشن کے پیش نظر حکومت نے جموں وکشمیر کے لیفٹیننٹ گورنر منوج سنہا کی طاقت بڑھا دی ہے۔ جموں وکمشیر میں کچھ وقت بعد اسمبلی الیکشن ہونے والے ہیں۔ اس سے پہلے مودی حکومت نے جموں وکشمیر کی تشکیل نو قانون، 2019 کی دفعہ 55 میں ترمیم کیا ہے۔ اس کے بعد افسران کے ٹرانسفر پوسٹنگ کا حق لیفٹیننٹ گورنر کے پاس ہوگا۔
اس ترمیم سے پولیس اورعوامی نظام سے متعلقہ معاملوں میں لیفٹیننٹ گورنر کی طاقت میں مزید اضافہ ہوجائے گا۔ ان کے کام کرنے کا دائرہ بھی بڑھ جائے گا۔ تقریباً سبھی علاقوں میں انہیں وہ تمام حقوق مل جائیں گے، جس میں محکمہ خزانہ کی سابقہ رضا مندی کی ضرورت ہوتی ہے۔ مرکزی وزیرداخلہ نے نوٹیفکیشن جاری کرکے اس کی جانکاری دی ہے۔ اس میں لیفٹیننٹ گورنر کو زیادہ طاقت فراہم کرنے والے ضوابط جوڑے گئے ہیں۔
Ministry of Home Affairs (MHA) amended Jammu and Kashmir Reorganization Act to give more power to the Lieutenant Governor.
The MHA notifies the amended Rules under Section 55 of the Jammu and Kashmir Reorganisation Act, 2019 inserting new Sections giving more power to the LG. pic.twitter.com/3gbaSTssNp
— ANI (@ANI) July 13, 2024
جموں وکشمیرتشکیل نو قانون میں ترمیم
جموں وکشمیرتشکیل نو قانون میں ترمیم کے بعد پولیس، پبلک، آرڈر، آل انڈیا سروس اوراینٹی کرپشن بیورو سے متعلقہ تجاویزپرمحکمہ خزانہ کی رضامندی کے بغیر فیصلہ لینے کا اختیارلیفٹیننٹ گورنر کے پاس رہے گا۔
ایکٹ میں شامل کی گئیں نئی دفعات
42 اے ڈپارٹمنٹ آف لا، جسٹس اینڈ پارلیمنٹری افیئرس ڈپارٹمنٹ میں وکیل- ایڈوکیٹ جنرل اور دیگرافسران کی تقرری کی تجویز کو چیف سکریٹری اور وزیراعلیٰ کے ذریعہ لیفٹیننٹ گورنر کے سامنے پیش کیا جائے گا۔42 بی پراسیکیوشن کی منظوری دینے یا مسترد کرنے یا اپیل دائرکرنے سے متعلق کسی بھی تجویزکومحکمہ قانون کے ذریعہ چیف سکریٹری کے ذریعہ لیفٹیننٹ گورنرکے سامنے رکھا جائے گا۔
عمرعبداللہ نے فیصلے پر اٹھائے سوال
مودی حکومت کے اس فیصلے پر نیشنل کانفرنس کے نائب صدرعمرعبداللہ نے سوال اٹھایا ہے۔ جموں وکشمیر کے لیفٹیننٹ گورنرکوزیادہ اختیارات دینے پرانہوں نے کہا ہے کہ اب چھوٹی سے چھوٹی تقرری کے لئے بھیک مانگنی پڑے گی۔ جموں وکشمیرکوربراسٹیمپ وزیراعلیٰ نہیں چاہئے۔ جموں وکشمیر کے لوگ بہتروزیراعلیٰ کے حقدار ہیں۔
بھارت ایکسپریس۔
