گوتم اڈانی دنیا کے ٹاپ-10 ارب پتیوں کی فہرست سے باہر ہوگئے ہیں۔
Top 10 Richest: گوتم اڈانی کچھ وقت پہلے تک دنیا کے ٹاپ-10 امیروں کی فہرست میں تیسرے نمبر پر شمار تھے، لیکن وہ اب اس فہرست سے باہر ہوگئے ہیں۔ امریکی رپورٹ (Hindenburg Research) کے آنے کے بعد اڈانی کو بڑا جھٹکا لگا ہے۔ اب وہ دنیا کے ٹاپ-10 امیروں کی فہرست سے باہر ہوگئے ہیں۔ اڈانی گروپ کے چیئرمین گوتم اڈانی (Gautam Adani) کی نیٹ ورتھ میں 36.1 ارب ڈالر کی بھاری گراوٹ آئی ہے۔ اس کے ساتھ ہی اڈانی دنیا کے امیروں کی فہرست میں 11ویں نمبر پر کھسک گئے ہیں۔
ہنڈن برگ کی رپورٹ میں گزشتہ ہفتے دعویٰ کیا گیا تھا کہ اڈانی گروپ دہائیوں سے کھلے عام شیئروں میں گڑبڑی اور اکاؤنٹ میں دھوکہ دہی میں شامل رہا ہے۔ حالانکہ اڈانی گروپ نے اس رپورٹ کو جھوٹ کا پلندہ بتاتے ہوئے کہا ہے کہ یہ ایف پی او سے پہلے اسے بدنام کرنے کی سازش ہے۔
بلومبرگ بلینیئرانڈیکس کے مطابق، اس سال اڈانی کی جائیداد 36.1 ارب ڈالر کم ہوکر 84.21 ارب ڈالر کم ہوگئی ہے۔ اڈانی گروپ کی کمپنیوں کے شیئر میں پیر کے روز مسلسل تیسرے دن گراوٹ آئی۔ گروپ کی 10 کمپنیوں میں سے سات کمپنیوں کے شیئر گراوٹ کے ساتھ بند ہوئے، جس کے بعد ان میں سے پانچ کمپنیوں کے شیئروں نے لورسرکٹ کو حاصل کیا۔ اڈانی ٹوٹل گیس اور اڈای گرین اینرجی میں 20 فیصد کی گراوٹ آئی ہے۔ وہیں اڈانی ٹرانسمیشن میں 14.91 فیصد، اڈانی ولمر، اڈانی پاور اور این ڈی ٹی وی میں پانچ فیصد گراوٹ آئی۔ اڈانی پورٹس کا شیئر 0.29 فیصد کی گراوٹ کے ساتھ بند ہوا۔
گزشتہ ہفتے بدھ کے روز امریکہ کی ایک شارٹ سیلنگ کمپنی نے اڈانی گروپ پر سنگین الزامات عائد کئے تھے۔ اس دن اڈانی گروپ کی کمپنیوں میں 10 فیصد تک گراوٹ آئی تھی، پھر جمعہ کے روز اڈانی گروپ کی کمپنیوں میں 20 فیصد تک گراوٹ آئی۔ پیر کے روز اڈانی کی نیٹ ورتھ میں 8.21 ارب ڈالر کی گراوٹ آئی۔ اڈانی نے گزشتہ سال 44 ارب ڈالر کی کمائی کی اور وہ سب سے زیادہ کمائی کرنے والے امیر تھے، لیکن اس سال وہ 36.1 ارب ڈالر گنوا چکے ہیں اور اس سال وہ سب سے زیادہ نقصان اٹھانے والے ارب پتی ہیں۔
