پاکستانی کرکٹر محمد رضوان نے اپنی ٹیم کی خراب کارکردگی سے متعلق بڑا بیان دیا ہے۔
Mohammad Rizwan on Pakistan Cricket Team Performance: پاکستان کی ٹیم نے ٹی-20 ورلڈ کپ میں شرمناک کارکردگی کا مظاہرہ کیا، جس کی وجہ سے اسے زبردست ہار کا سامنا کرنا پڑا۔ گروپ اسٹیج میں یو ایس اے اور ہندوستان سے ہار کے بعد ٹیم سپر-8 تک میں کوالیفائی نہیں کرپائی۔ اس شرمناک کارکردگی کے بعد پاکستان کی ٹیم کو مسلسل تنقید کا سامنا کرنا پڑ رہا ہے۔ کپتان بابراعظم بھی نقادوں کے نشانے پر ہیں۔ وہیں، پاکستان کرکٹ بورڈ (پی سی بی) نے اس شرمناک کارکردگی کے بعد ٹیم کے کھلاڑیوں پر ایکشن لینے کی بات کہی ہے۔
ہم خراب کارکردگی کے لئے تنقید کے حقدار
پاکستان کے اسٹار وکٹ کیپربلے باز محمد رضوان نے پاکستان کی ہارپر اپنی خاموشی توڑی ہے۔ محمد رضوان نے پشاور میں میڈیا سے بات کرتے ہوئے بیان دیا۔ انہوں نے کہا کہ ہم اپنی خراب کارکردگی کے لئے تنقید کے حقدار ہیں۔ محمد رضوان نے یہ بھی کہا کہ جو لوگ تنقید کا سامنا نہیں کرسکتے، وہ کامیاب نہیں ہوسکتے۔ محمد رضوان نے کہا کہ ٹیم کی ہار کے پیچھے کوئی ایک وجہ نہیں بتائی جاسکتی۔ انہوں نے کہا کہ کئی کمزوریاں ہار کی وجہ بنیں۔ اس وجہ سے پاکستان ٹورنا منٹ سے جلد باہرہوگیا۔
ٹیم میں سیاست کے سوال پر دیا جواب
محمد رضوان نے پی سی بی چیئرمین محسن نقوی کے بارے میں کہا- میں نے چیئرمین صاحب کو دیکھا ہے۔ وہ کافی ہارڈ ورکنگ ہیں۔ محمد رضوان نے ٹیم کی سرجری کے سوال پر کہا کہ ایسا نہیں ہے کہ یہ پہلی بار ہے۔ جب ٹیم ورلڈ کپ سے لوٹتی ہے تو اس کا ریویو کیا جاتا ہے۔ یہ پہلی بارنہیں ہو رہا ہے۔ محمد رضوان نے ٹیم میں سیاست کے سوال پر کہا کہ ایسا کچھ نہیں ہے۔ اگر ایسا ہوتا تواس سے پہلے بھی تو ہم ہارے ہوئے ہیں۔ یہ صرف لوگوں کی باتیں ہوتی ہیں۔ یہ وہ ٹیم ہے، جو سیمی فائنل، فائنل کھیلی ہے۔ ہاں، ایونٹ نہیں جیت پائے، لیکن ہم نے اچھی کارکردگی کا مظاہرہ کیا ہے۔
بابراعظم کی جاسکتی ہے کپتانی
آپ کو بتادیں کہ محمد رضوان کو حال ہی میں کناڈا کی ٹی-20 لیگ جی ٹی 20 کناڈا میں وینکوور نائٹس نے اپنا کپتان بنایا ہے۔ خاص بات یہ ہے کہ بابراعظم ان کی کپتانی میں کھیلتے ہوئے نظرآئیں گے۔ پاکستان کرکٹ میں اس بات کی بھی قیاس آرائی ہے کہ ایک بار پھر بابراعظم کو کپتانی سے ہٹایا جاسکتا ہے۔ پاکستان کی ٹیم کے کپتان بننے کے دعویدار محمد رضوان اور شاہین شاہ آفریدی ہیں۔ قابل ذکرہے کہ شاہین شاہ آفریدی کو پہلے بھی کپتان بنایا جاچکا ہے، لیکن بعد میں انہیں کپتانی سے ہٹا دیا گیا۔ اب ایک بار پھر ان کے کپتانی سنبھالنے کی قیاس آرائی ہے۔
