کھو کھو کھلاڑی نسرین ارجن ایوارڈ سے سرفراز۔
ہندوستانی کھوکھوکی بہترین کھلاڑی نسرین شیخ کوآج ارجن ایوارڈ سے نوازا گیا۔ انہیں راشٹرپتی بھون میں صدرجمہوریہ دروپدی مرموکے ہاتھوں ارجن ایوارڈ سے سرفرازکیا گیا۔ نسرین شیخ نے 2023 میں ہندوستان کے آسام میں کے تامول پورمیں منعقدہ ایشین کھوکھوچمپئن شپ میں ہندوستان کے لئے گولڈ میڈل جیتا تھا۔ اس کےعلاوہ کٹھمنڈو میں جنوب ایشیائی گیمس میں ایک گولڈ میڈل جیتا تھا۔ ان کی حصولیابیوں کے اعتراف میں ارجن ایوارڈ سے سرفرازکیا گیا۔ نسرین شیخ گزشتہ 25 سالوں میں ارجن ایوارڈ حاصل کرنے والی دوسری کھو کھو کھلاڑی ہیں۔ اس سے پہلے سال 2020 میں سریکا کالے سدھاکرنے یہ ایوارڈ جیتا تھا۔ نسرین کی پیدائش دہلی کے شکورپورمیں ہوئی تھی۔
President Droupadi Murmu confers Arjuna Award, 2023 on Ms Nasreen for her achievements in Kho-Kho. She has won:
● One Gold Medal in the Asian Kho-Kho Championship held in Tamulpur, India in 2023.
● One Gold Medal in the South Asian Games held in Kathmandu, Nepal in 2019. pic.twitter.com/q47i8jJ4X6— President of India (@rashtrapatibhvn) January 9, 2024
نسرین دوسروں کے لئے بنیں مثال
اپنی زندگی کے سبھی پریشانیوں کا سامنا کرتے ہوئے پرورش پانے والی نسرین کے مضبوط ارادوں نے انہیں ارجن ایوارڈ تک پہنچایا ہے، جو ان کی سخت محنت اورصلاحیتوں کی مثال ہے۔ ان کی کہانی امید کی کرن ہے، جو بتاتی ہے کہ مضبوط ارادوں سے زندگی کے سبھی آزمائشوں اورامتحانات میں جیت حاصل کی جاسکتی ہے۔ نسرین شیخ کی غیرمعمولی زندگی اور حصولیابیوں پرایک بایوپک بھی تیارکی کی گئی ہے۔
-بھارت ایکسپریس
