آئی پی ایل 2026 میں اتوار کو پہلے میچ میں چنئی سپر کنگز (سی ایس کے) نے شاندار کارکردگی کا مظاہرہ کرتے ہوئے لکھنؤ سپر جائنٹس (ایل ایس جی) کو 5 وکٹوں سے شکست دی، جبکہ دوسرے میچ میں رائل چیلنجرز بنگلورو (آر سی بی) نے ممبئی انڈینز (ایم آئی) کو ہرا دیا۔آر سی بی کے اب 11 میچوں میں 14 پوائنٹس ہو گئے ہیں اور ٹیم کا نیٹ رن ریٹ +1.103 ہو گیا ہے۔ رائے پور کے شہید ویر نارائن سنگھ انٹرنیشنل اسٹیڈیم میں کھیلے گئے میچ میں آر سی بی نے ممبئی انڈینز کو 2 وکٹوں سے شکست دی۔
ممبئی انڈینز کی کارکردگی
پہلے بیٹنگ کرتے ہوئے ممبئی انڈینز نے 20 اوور میں 7 وکٹوں کے نقصان پر 166 رنز بنائے۔ ممبئی کی جانب سے تلک ورما نے شاندار بیٹنگ کرتے ہوئے 42 گیندوں پر 57 رنز کی بہترین اننگز کھیلی، جبکہ نمن دھیر نے 32 گیندوں پر 47 رنز بنائے۔
آر سی بی کی جیت کے ہیرو کرنال پانڈیا
تاہم آر سی بی نے 167 رنز کا ہدف میچ کی آخری گیند پر 8 وکٹیں گنوا کر حاصل کر لیا۔ آر سی بی کی جیت کے ہیرو کرنال پانڈیا رہے، جنہوں نے 46 گیندوں پر 73 رنز کی شاندار اننگز کھیلی۔ وہیں گیندبازی میں بھونیشور کمار نے 23 رنز دے کر 4 وکٹیں حاصل کیں۔آر سی بی کی جیت سے سن رائزرس حیدرآباد (ایس آر ایچ) کو نقصان ہوا ہے اور ٹیم اب پوائنٹس ٹیبل میں دوسرے نمبر پر کھسک گئی ہے۔ ایس آر ایچ کے بھی 14 پوائنٹس ہیں، لیکن آر سی بی کا نیٹ رن ریٹ بہتر ہے۔ گجرات ٹائٹنز 14 پوائنٹس کے ساتھ تیسرے نمبر پر موجود ہے، جبکہ پنجاب کنگز 13 پوائنٹس کے ساتھ چوتھے مقام پر ہے۔
ممبئی انڈینز پلے آف کی دوڑ سے باہر
آر سی بی کے خلاف شکست کے ساتھ ہی ممبئی انڈینز پلے آف کی دوڑ سے باہر ہو گئی ہے۔ ایم آئی کو ٹورنامنٹ کے 11ویں میچ میں آٹھویں شکست کا سامنا کرنا پڑا۔وہیں اتوار کے پہلے میچ میں چنئی سپر کنگز نے لکھنؤ سپر جائنٹس کو 5 وکٹوں سے شکست دی۔ ایل ایس جی نے پہلے بیٹنگ کرتے ہوئے 20 اوور میں 8 وکٹوں کے نقصان پر 203 رنز بنائے۔ ٹیم کی جانب سے جوش انگلس نے 33 گیندوں پر 85 رنز کی دھماکہ خیز اننگز کھیلی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
