ایشین گیمز: شوٹنگ میں بھارت کو ملا ایک اور گولڈ
چین کے شہر ہانگزو میں جاری 19ویں ایشین گیمز کے پانچویں دن ہندوستان نے شاندار کارکردگی کا مظاہرہ کرتے ہوئے گولڈ میڈل جیت لیا ہے۔ جمعرات (28 ستمبر) کے روز ہندوستانی مردوں کی ٹیم نے 10 میٹر ایئر پسٹل میں طلائی تمغہ جیتا۔ یہ حیرت انگیز کارنامہ سربجیت سنگھ، ارجن سنگھ اور شیوا ناروال نے انجام دیا ہے۔ تینوں نے اس ایونٹ میں 1734 کا اسکور حاصل کیا۔ جبکہ میزبان ملک چین نے چاندی اور ویتنام نے کانسی کا تمغہ جیتا ہے۔ اس کے علاوہ روشیبینا دیوی نورم نے ووشو مقابلے کے فائنل میں چاندی کا تمغہ جیتا ہے۔
Hangzhou Asian Games: Sarabjot Singh, Shiva Narwal, and Arjun Singh Cheema win gold in 10 metre Air Pistol Men’s team event pic.twitter.com/b5CShoq23s
— ANI (@ANI) September 28, 2023
خواتین کے 60 کلوگرام ووشو ایونٹ کے فائنل میں چاندی کا تمغہ جیتنے کے بعد روشیبینا دیوی نورم نے کہا، ” بہت اچھا لگ رہا ہے لیکن میں تھوڑی اداس ہوں کیونکہ میں ملک کے لیے گولڈ میڈل نہیں جیت سکی… میں اس کا کریڈٹ منی پور کے لوگوں اور اپنے سبھی سر کو دیتی ہوں جن کی مدد سے میں یہاں تک پہنچی ہوں۔ میں ان سب کا شکریہ ادا کرتی ہوں۔”
“This Silver medal is dedicated to the people of Manipur. I tried my best in this game. I will rectify the faults I made in this game and play better. I will train harder for the upcoming World Championships in November,” says Roshibina Devi Naorem, who won Silver medal in Wushu… pic.twitter.com/fU8CXwKK19
— ANI (@ANI) September 28, 2023
وہیں پی وی سندھو سے میڈل کی امیدیں مزید بڑھ گئی ہیں۔ پی وی سندھو نے پری کوارٹر فائنل میچ میں شاندار جیت حاصل کی ہے۔ سندھو نے اب کوارٹر فائنل میں جگہ بنالی ہے۔ دوسری جانب منیکا بترا نے ٹیبل ٹینس ویمنز سنگلز ایونٹ میں شاندار فتح حاصل کی ہے۔ منیکا بترا اگلے راؤنڈ میں جگہ بنانے میں کامیاب ہو گئی ہیں۔ منیکا کو پری کوارٹر فائنل کا ٹکٹ مل گیا ہے۔
آپ کو بتا دیں کہ ایشیائی کھیلوں میں ہندوستان نے اب تک 24 تمغے جیتے ہیں۔ ہندوستان نے 6 گولڈ میڈل جیتے ہیں۔ اس کے علاوہ ہندوستان نے 8 چاندی کے تمغے جیتے ہیں۔ ہندوستان نے 10 کانسی کے تمغے بھی جیتے ہیں۔
بھارت ایکسپریس۔
