ہندوستان اور نیوزی لینڈ کے درمیان کھیلے جا رہے پانچویں اور آخری ٹی 20 مقابلے سے پہلے ہندوستانی ٹیم کا ایک دلچسپ ویڈیو سوشل میڈیا پر تیزی سے وائرل ہو رہا ہے۔ کپتان شریئس ایر کی جانب سے پلیئنگ الیون میں جگہ نہ ملنے کے بعد نوجوان کھلاڑی ویبھو سوریہ ونشی کا ایک ویڈیو سامنے آیا ہے۔ اس پر آل راؤنڈر اکشر پٹیل کے مزاحیہ تبصرے نے شائقین کو خوب محظوظ کیا ہے۔ نیوزی لینڈ کے خلاف آخری ٹی 20 میچ کی پلیئنگ الیون میں موقع نہ ملنے کے بعد ویبھو سوریہ ونشی کا یہ دلچسپ ویڈیو سامنے آیا۔ ٹیم ہوٹل میں باہر سے آنے والا شور سن کر کھلاڑی کھڑکی سے باہر دیکھنے لگے۔ اسی دوران اکشر پٹیل نے مذاق کرتے ہوئے کہا کہ ویبھو احتجاج کر رہا ہے۔ ان کے اس جملے سے کھلاڑیوں کے درمیان ہنسی مذاق کا ماحول بن گیا اور ویڈیو انٹرنیٹ پر چھا گیا۔
پلیئنگ الیون سے باہر رہے ویبھو سوریہ ونشی، کپتان ایر نے کیے دو تبدیلیاں
ہندوستان اور نیوزی لینڈ کے درمیان سیریز کے پانچویں اور آخری ٹی 20 میچ میں نیوزی لینڈ کے کپتان نے ٹاس جیت کر پہلے گیند بازی کا فیصلہ کیا۔ ہندوستانی کپتان شریئس ایر نے اس میچ کی پلیئنگ الیون میں دو اہم تبدیلیاں کرتے ہوئے ورون چکرورتی اور بھونیشور کمار کو موقع دیا۔ ان تبدیلیوں کے نتیجے میں نوجوان بلے باز ویبھو سوریہ ونشی کو ایک بار پھر بینچ پر بیٹھنا پڑا۔
’یہ ویبھو احتجاج کر رہا ہے‘، اکشر پٹیل کا دلچسپ تبصرہ
پلیئنگ الیون سے باہر رہنے کے دوران ٹیم کے ہوٹل کے کمرے کا ایک ویڈیو سوشل میڈیا پر وائرل ہو رہا ہے۔ ویڈیو میں باہر سے آنے والا شور اور تیز موسیقی سن کر ابھیشیک شرما اور ویبھو سوریہ ونشی کھڑکی سے باہر جھانکتے دکھائی دے رہے ہیں۔ اسی دوران کمرے میں موجود اکشر پٹیل نے ماحول کو مزید خوشگوار بناتے ہوئے مذاق میں کہا، ’یہ ویبھو احتجاج کر رہا ہے۔‘
🚨 Abhishek Sharma, Axar Patel & Vaibhav Suryavanshi turn into curious tourists in Auckland 😂
The trio spotted a huge celebration festival happening outside their hotel but had no idea what was going on 😭😂 So they showed the scenes to fans and asked: “Can anyone tell us which festival this is?” 👀🤣
— HIMANI 🐥 (@himanii_68) October 31, 2026
کھلاڑیوں کی شرارت اور آپسی دوستی نے جیتا شائقین کا دل
اکشر پٹیل کی حاضر جوابی اور اس مزاحیہ جملے کو سنتے ہی وہاں موجود تمام کھلاڑی ہنس پڑے۔ اگرچہ باہر ہونے والے شور کی اصل وجہ پوری طرح واضح نہیں ہو سکی، لیکن میدان سے باہر ہندوستانی کرکٹروں کی یہ آپسی دوستی اور خوش مزاجی سوشل میڈیا پر شائقین کی توجہ حاصل کر رہی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
