India vs England: ہندوستان اورانگلینڈ کے درمیان پانچ میچوں کی ٹسٹ سیریز کھیلی جارہی ہے۔ سیریز کا پہلا میچ لیڈس کے ہیڈنگلے کرکٹ میدان پرکھیلا گیا۔ پہلے میچ میں انگلینڈ نے شاندار کارکردگی کا مظاہرہ کیا اور 5 وکٹ سے مقابلہ اپنے نام کرلیا۔ ہندوستان کی طرف سے اس میچ میں 5 سنچری لگائی گئی۔ تاہم پھربھی ٹیم انڈیا میچ اپنے نام نہیں کرسکی۔ کپتان شبھمن گل کی قیادت میں پہلا میچ ہندوستان کو گنوانا پڑا۔ اس میچ میں ہندوستانی ٹیم کی گیند بازی اور فیلڈنگ نے سب سے زیادہ مایوس کیا۔ یہی وجہ رہی کہ ہندوستانی ٹیم اس سیریز میں 1-0 سے پیچھے ہوگئی ہے۔
ہندوستان کی ایسی رہی بلے بازی
ہندوستانی ٹیم نے پہلی اننگ میں 113 اوور میں 471 رنوں کا ہمالیائی اسکور بنایا۔ پہلی اننگ میں یشسوی جیسوال نے 159 گیندوں میں 101 رنوں کی شاندار اننگ کھیلی، جبکہ شبھمن گل نے بھی 147 رن بنائے۔ اس کے علاوہ رشبھ پنت نے بھی 134 رن بنائے، جس کے جواب میں انگلینڈ نے 100.4 اوور میں اولی پوپ کی 106 اور ہیری بروک کی 99 رنوں کی اننگ کی بدولت 100.4 اوور میں 465 رن بنائے تھے۔ ہندوستان کو پہلی اننگ میں 6 رنوں کی سبقت ملی تھی۔ جسپریت بمراہ نے 5 وکٹ حاصل کئے تھے، جبکہ بین اسٹوکس اور جوش ٹنگ نے 4-4 وکٹ حاصل کئے۔
انگلینڈ نے دوسری اننگ میں پلٹ دی بازی
ہندوستان نے دوسری اننگ میں کے ایل راہل کی 137 اور رشبھ پنت کی 118 رنوں کی اننگ کی بدولت 96 اوور میں 364 رن بنائے تھے۔ 371 رنوں کے ہدف کا تعاقب کرنے اتری انگلینڈ نے پانچویں دن کا کھیل ختم ہونے سے پہلے 82 اوور میں 373/5 رن بناکر مقابلہ اپنے نام کرلیا۔ اس کے ساتھ ہی ٹیم انڈیا کوبڑا جھٹکا بھی دے دیا۔
ہندوستانی ٹیم کی خراب فیلڈنگ
اس میچ میں یشسوی جیسوال نے 4 آسان کیچ چھوڑ دیئے، جبکہ کئی مواقع پر ہندوستان نے خراب فیلڈنگ کی۔ گیند بازی میں بھی ہندوستانی ٹیم نے خوب جدوجہد کیا۔ دوسری اننگ میں ہندوستانی گیند باز انگلینڈ کوابتدائی جھٹکے دینے میں ناکام رہے۔ انگلینڈ نےدوسری اننگ میں پہلے وکٹ کے لئے 188 رنوں کی بڑی شراکت کرکے ہندوستانی ٹیم کی کمرتوڑدی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
