بھارتیہ کرکٹ کنٹرول بورڈ (بی سی سی آئی) نے خواتین ٹی-20 ورلڈ کپ 2026 کے لئے 15 رکنی اسکواڈ کا اعلان کردیا ہے۔ ہرمن پریت کورٹیم کی کپتانی کریں گی جبکہ اسمرتی مندھانا کو نائب کپتان کی ذمہ داری ملی ہے۔ انگلینڈ اینڈ ویلس کی میزبانی میں 2026 ٹی-20 ورلڈ کپ کا ٹورنا منٹ 12 جون سے شروع ہوگا اورفائنل 5 جولائی کوکھیلا جائے گا۔
ٹیم انڈیا کوجھٹکا بھی لگا ہے کیونکہ چوٹ کی وجہ سے تیزگیند بازکارن کاشوی گوتم اورآل راونڈرامن جوت کوراسکواڈ میں سلیکشن کے لئے دستیاب نہیں تھیں۔ امن جوت کورکا ٹیم میں نہ ہونا بہت بڑا جھٹکا ہے۔ کپتان ہرمن پریت کورنے بھی اس بات کوتسلیم کیا ہے۔ اچھی بات یہ ہے کہ ٹیم کے پاس رینوکا ٹھاکر، کرانتی گوڑ، ارون دھتی ریڈی اورنندنی شرما کے طورپرچاربہترین تیز گیند بازمتبادل ہیں۔ نندنی شرما کا یہ پہلا ورلڈ کپ ہوگا۔
ہندوستانی ٹیم جیت چکی ہے 2025 کا ورلڈ کپ
ہندوستانی ٹیم کچھ ماہ پہلے ہی 2025 ورلڈ کپ کا خطاب جیت چکی ہے۔ ہندوستان کے اس اسکواڈ کے 11 کھلاڑی ٹی-20 ورلڈ کپ کی ٹیم میں بھی منتخب کئے گئے ہیں۔ آپ کو بتا دیں کہ ونڈے ورلڈ کپ کے فائنل میں ٹیم انڈیا نے جنوبی افریقہ کوہرا کرتاریخ رقم کی تھی۔
گروپ اے میں شامل ہے ہندوستان
سال 2026 میں ہونے والے خواتین ٹی-20 ورلڈ کپ میں دنیا کی کل 12 ٹیمیں حصہ لے رہی ہوں گی۔ ہندوستان کوآسٹریلیا، بنگلہ دیش، پاکستان، نیدرلینڈس اورجنوبی افریقہ کے ساتھ گروپ اے میں رکھا گیا ہے۔ ٹیم انڈیا اپنا پہلا میچ 14 جون کو پاکستان کے ساتھ کھیلے گی۔ وہیں انگلینڈ، آئرلینڈ، نیوزی لینڈ، اسکاٹ لینڈ، سری لنکا اورویسٹ انڈیزکوگروپ بی میں رکھا گیا ہے۔
ہندوستانی ٹیم اس طرح ہے: ہرمن پریت کور(کپتان)، اسمرتی مندھانا (نائب کپتان)، شیفالی ورما، جیمیما ریڈگرس، بھارتی فل مالی، دپتی شرما، رچا گھوش (وکٹ کیپر)، شری چرنی، یاستیکا بھاٹیا (وکٹ کیپر)، نندنی شرما، ارون دھتی ریڈی، رینوکا ٹھاکر، کرانتی گوڑ، شرینکا پاٹل، رادھا یادو۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
