"میں پہلے بھی..." چوتھے ٹیسٹ سے قبل سرفراز کی بیٹنگ پر ڈی ویلیئرز کے بیان نے مچائی ہلچل
AB De Villiers on Sarfaraz Khan: جنوبی افریقہ کے عظیم بلے باز اے بی ڈویلیئرس نے ہندوستانی بلے باز سرفراز خان کو انٹرنیشنل ڈیبیو کرنے کا موقع ملنے پر خوشی کا اظہار کرتے ہوئے نوجوان کو ’’لیول ہیڈ‘‘ اور ’’ڈاؤن ٹو ارتھ‘‘ شخص قرار دیا۔ سرفراز خان کو آخر کار طویل انتظار کے بعد اپنے ٹیسٹ ڈیبیو کا موقع ملا اور انہوں نے راجکوٹ میں تیسرے ٹیسٹ میں انگلینڈ کے خلاف ہندوستان کی 434 رنز کی جیت کے دوران ڈبل نصف سنچریاں (62 اور 68*) اسکور کیں ۔
ڈی ویلیئرز نے سرفراز کے بارے میں کہا
اپنے یوٹیوب چینل پر بات کرتے ہوئے ڈی ویلیئرس نے کہا کہ انہیں اپنے سابق رائل چیلنجرس بنگلور (RCB) کے ساتھی پر فخر ہے۔ “میں اس لڑکے کے ساتھ پہلے بھی کھیل چکا ہوں اور وہ بہت ہی سلجھا ہوا آدمی ہے، مجھے واقعی اس پر فخر ہے۔ سرفراز کے پچاس رنز مکمل کرنے کے بعد اس کے والد کو چومتے ہوئے دیکھنا بہت اچھا لگا اور یہ میرے لیے دل کو چھو لینے والا تھا۔”
سرفراز نے 2015 اور 2018 کے درمیان انڈین پریمیئر لیگ (IPL) میں RCB کی نمائندگی کی اور پروٹیز لیجنڈ کے ساتھ ڈریسنگ روم شیئر کرنے کا موقع ملا۔ فرنچائز کے ساتھ 25 میچوں میں سرفراز نے 18 اننگز میں 159 سے زیادہ کے اسٹرائیک ریٹ کے ساتھ 20.73 کی اوسط سے 228 رنز بنائے۔ ان کا بہترین اسکور 45* تھا۔ سابق پروٹیز بلے باز نے نوجوان اوپنر یشسوی جیسوال کی بھی تعریف کی کہ انہوں نے کھیل کو اتنا آسان بنا دیا۔
یہ بھی پڑھیں- ICC Test Rankings: یشسوی جیسوال کو لگاتار دو ڈبل سنچریوں سے ہوابڑا فائدہ ،ون ڈے رینکنگ میں ہندوستانی بلے باز چھائے
جیسوال کی تعریف میں کہی یہ بات
ڈی ویلیئرز نے کہا، “کافی الفاظ نہیں ہیں… یہ جارحانہ بلے بازی ہے اور کھیل کو بہت آسان بناتی ہے۔ مجھے جیسوال کو کھیلتے ہوئے دیکھنا اچھا لگتا ہے اور ایسا لگتا ہے کہ دباؤ ہمیشہ گیند بازوں پر رہتا ہے۔” جیسوال نے اتوار کو راجکوٹ میں تیسرے ٹیسٹ کے چوتھے دن کے دوران ایک قابل ذکر کارنامہ انجام دیا کیونکہ وہ ٹیسٹ میں انگلینڈ کے خلاف دو ڈبل سنچریاں بنانے والے پہلے ہندوستانی بن گئے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
