معروف شاعر ڈاکٹر بشیر بدر۔
ڈاکٹر بشیر بدرنئی اردو غزل کے ممتاز شاعر ہیں جنہوں نے روایت اور جدیدیت کے درمیان ایک دلکش راستہ نکالا۔ ان کا اصل نام سید محمد بشیر ہے۔ وہ روزمرّہ کی زبان، منفرد تشبیہوں اور جذباتی صداقت کے ذریعے اردو شاعری کو ایک نئی جہت عطا کرنے والے شاعر ہیں۔
ہردھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں
بشیر بدرؔ
ڈاکٹر بشیر بدر کی ولادت 15 فروری 1935 کو ایودھیا میں ہوئی۔ وہ ابھی بھوپال میں قیام پذیر ہیں۔ بچپن سے ہی شاعری سے شغف رکھنے والے بشیر بدر نے علمی سفر میں کئی نشیب و فراز دیکھے۔ انھوں نے علی گڑھ مسلم یونیورسٹی سے پی ایچ ڈی کی اور اپنی تحقیق کا موضوع اردو غزل ہی کو بنایا۔ ان کی شاعری نے جہاں اردو داں طبقے کو متاثر کیا، وہیں غیر اردو قارئین میں بھی مقبولیت حاصل کی۔
غزل میں نئی لفظیات، ڈرامائی فضا اور بول چال کی سادہ زبان بشیر بدر کی پہچان بن چکی ہے۔ انھوں نے غزل کو عوامی اظہار کا ایک نیا قالب دیا۔ ان کے مشہور شعری مجموعوں میں اکائی، آمد، آہٹ، آس، آسمان شامل ہیں اور ان کا مجموعہ کلام بھی شائع ہو چکا ہے۔ بشیر بدر کو ان کی ادبی خدمات پر ساہتیہ اکادمی ایوارڈ (1999) اور پدم شری جیسے اعزازات سے نوازا گیا۔ وقت کے ساتھ ان کی یادداشت متاثر ہوئی، مگر ان کی شاعری آج بھی قاری کے دل میں زندہ ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
