بیتول سڑک حادثہ کا شکار بس اور کار
بیتول، 4 نومبر (بھارت ایکسپریس): مدھیہ پردیش میں تیز رفتاری کی تباہی رکنے کا نام نہیں لے رہی ہے۔ تیز رفتار گاڑیوں کے حادثات سے لوگ جان کی بازی ہار رہے ہیں۔ اسی کڑی میں آج ایم پی کے بیتول ضلع کے بھینس دیہی میں ایک خوفناک سڑک حادثے میں 11 لوگوں کی موت ہو گئی۔
معلومات کے مطابق تیز رفتاری کے باعث بس میں خوفناک تصادم ہوا۔ جس کی وجہ سے تویرا میں سوار 11 افراد کی موقع پر ہی دردناک موت ہو گئی۔ مرنے والے تمام افراد کا تعلق مزدور طبقے سے بتایا جارہا ہے۔ تمام مرنے والے مزدور کے طور پر کام کرنے کے بعد مہاراشٹر سے واپس آرہے تھے۔ حادثہ اتنا خوفناک تھا کہ تویرا میں پھنسے جاں بحق افراد کی لاشوں کو گیس کٹر سے کاٹ کر باہر نکالا گیا۔ تویرا کار میں سوار تمام لوگ مزدوری کرتے تھے۔
حادثے میں 6 مرد، 3 خواتین اور 2 بچے موقع پر ہی جاں بحق ہوگئے۔ یہ حادثہ بھینس دیہی کے جھلر تھانہ سے 100 میٹر کے فاصلے پر پیش آیا۔ واقعہ کی اطلاع ملتے ہی انتظامی عملہ موقع پر پہنچ گیا اور جاں بحق افراد کی معلومات اکٹھی کیں۔ واقعہ کے بعد بس ڈرائیور موقع سے فرار ہوگیا۔ فی الحال کیس کی تفتیش جاری ہے۔ ایس پی اور ڈی ایم نے متاثرین کے خاندانوں کو حکومت کے اصولوں کے مطابق امداد دینے کی بات کی ہے۔
پی ایم نریندر مودی نے بیتول میں ہوئے دردناک حادثے پر افسوس کا اظہار کیا۔ انہوں نے تمام 11 مرنے والوں کے لواحقین کو وزیر اعظم کے قومی ریلیف فنڈ سے 2 لاکھ روپے اور زخمیوں کے لواحقین کو 50،000 روپے کی ایکس گریشیا رقم کا اعلان کیا ہے۔
Pained by the loss of lives due to an accident in Betul, MP. Condolences to the bereaved families. May the injured recover soon. An ex-gratia of Rs. 2 lakh from PMNRF would be given to the next of kin of each deceased. Rs. 50,000 would be given to the injured: PM @narendramodi
— PMO India (@PMOIndia) November 4, 2022
ریاست کے وزیر اعلی شیوراج سنگھ چوہان نے بھی بیتول حادثے پر افسوس کا اظہار کیا۔ وزیراعلیٰ نے امدادی رقم کا اعلان کردیا۔ حادثے میں ہلاک ہونے والے 11 افراد کے لواحقین کو مدھیہ پردیش حکومت کی جانب سے دو دو لاکھ روپے جبکہ حادثے میں زخمی ہونے والوں کو 10 ہزار روپے دیے جائیں گے۔ سابق وزیر اعلیٰ کمل ناتھ نے بھی حادثے پر افسوس کا اظہار کیا ہے۔
