PM Modi Kerala Visit: کیرلہ کے کوچی میں وزیر اعظم نریندر مودی کے دورے کے لیے کیے گئے حفاظتی انتظامات کے تحت ایک بائک سوار کی رسی میں پھنس جانے سے موت ہو گئی۔ پولیس نے یہ معلومات پیر (15 اپریل 2024) کو دی۔
اتوار کی رات 10.30 بجے پیش آنے والے اس حادثے میں وڈوتھالا کے رہنے والے منوج انّی کی موت ہو گئی۔ پولیس نے بتایا کہ انی کو قریبی اسپتال لے جایا گیا لیکن وہ بچ نہیں سکا۔ انّی کے اہل خانہ کا کہنا ہے کہ بغیر کسی وارننگ کے سڑک پر رسی باندھی گئی تھی اور رات کو رسی کو دیکھنا بہت مشکل تھا۔
انّی کے گھر والوں نے کیا کہا؟
متوفی کے ایک رشتہ دار نے بتایا کہ ’وزیراعظم کے دورے کے لیے حفاظتی انتظامات کے تحت ایک رسی باندھی گئی تھی‘۔ رات کو رسی کو ظاہر کرنے کے لیے نہ کوئی ربن باندھا گیا اور نہ ہی کوئی نشان لگایا گیا۔
یہ بھی پڑھیں- Delhi Liquor Policy: سی ایم کیجریوال کی سپریم کورٹ میں سماعت آج، ہائی کورٹ نے گرفتاری کو ٹھہرایا تھا جائز
دراصل، پی ایم مودی آج کیرلہ میں بھارتیہ جنتا پارٹی (بی جے پی) کی انتخابی مہم کے دوران دو عوامی جلسوں سے خطاب کریں گے۔ کیرلہ میں لوک سبھا کی 20 سیٹوں کے لیے 26 اپریل کو ووٹنگ ہونی ہے۔
پی ایم مودی کا کیرلہ کا یہ چھٹا دورہ ہے
کیرلہ میں بی جے پی کی انتخابی مہم کے دوران وزیر اعظم مودی آج دو عوامی جلسوں سے خطاب کریں گے۔ پہلا الاتھور صبح 11 بجے اور دوسرا اتنگل دوپہر 2 بجے ہوگا۔ ذرائع نے بتایا کہ 26 اپریل کو ہونے والے انتخابات کے لیے بی جے پی کی حمایت حاصل کرنے کے مقصد سے وہ 15 اپریل کو ہر دو اضلاع میں دو عوامی جلسوں میں شرکت کریں گے۔ پی ایم مودی کا کیرلہ کا یہ چھٹا دورہ ہے۔
-بھارت ایکسپریس
