کے کویتا دہلی ایکسائز پالیسی گھوٹالہ کے سلسلے میں آج ای ڈی کے سامنے ہوسکتی ہیں پیش
Delhi Excise Policy Case: کویتا نے کہا ہے کہ وہ دہلی کے سابق نائب وزیر اعلیٰ منیش سسودیا سے کبھی نہیں ملیں، جنہیں اس معاملے میں سی بی آئی اور ای ڈی نے گرفتار کیا ہے، یہ دعویٰ کرتے ہوئے کہ ان کا نام غیر ضروری طور پر اس معاملے میں گھسیٹا جا رہا ہے۔
تلنگانہ کے چیف منسٹر کے چندر شیکھر راؤ کی بیٹی کے کویتا کے دہلی ایکسائز پالیسی گھوٹالے کے سلسلے میں آج انفورسمنٹ ڈائریکٹوریٹ (ای ڈی) کے ذریعہ پوچھ گچھ کے دوسرے دور میں شامل ہونے کےامکان ہے۔ جمعرات کو دوسرے راؤنڈ کے لیے ان سے پوچھ گچھ کی جانی تھی، جسے انھوں نے یہ کہہ کر چھوڑ دیا کہ وہ ای میل کے ذریعے یا اپنی رہائش گاہ پر جواب دیں گی۔ اس کے بعد ای ڈی نے انہیں تفتیش میں شامل ہونے کے لیے 20 مارچ کو ایک اور سمن بھیجا تھا۔ اپنی پہلی پیشی کے دوران، مبینہ طور پران کا حیدرآباد میں مقیم تاجر ارون پلئی سے جھگڑا ہوا، جس نے جنوبی گروپ کی نمائندگی کی تھی۔
दिल्ली: तेलंगाना के मुख्यमंत्री और BRS प्रमुख के. चंद्रशेखर राव के आवास के बाहर सुरक्षा तैनात की गई। मुख्यमंत्री की बेटी BRS पार्टी MLC के. कविता दिल्ली शराब नीति मामले में आज ED के सामने पेश होने वाली हैं। pic.twitter.com/9q17CpvzSQ
— ANI_HindiNews (@AHindinews) March 20, 2023
اس گروپ پر الزام ہے کہ اس نے AAP لیڈروں کو 100 کروڑ روپے کی رشوت دی تھی، جس کا استعمال مبینہ طور پر گوا اسمبلی انتخابات کے دوران کیا گیا تھا۔ پلئی نے مبینہ طور پر کہا ہے کہ وہ کویتا کے ساتھی تھے۔
ای ڈی نے گزشتہ ہفتے بدھ کو بی آر ایس ایم ایل سی کے سابق آڈیٹر اور ساؤتھ گروپ کے ممبر بوچی بابو کا بیان ریکارڈ کیا تھا۔
کویتا نے کہا ہے کہ وہ دہلی کے سابق نائب وزیر اعلیٰ منیش سسودیا سے کبھی نہیں ملیں، جنہیں اس معاملے میں سی بی آئی اور ای ڈی نے گرفتار کیا ہے، یہ دعویٰ کرتے ہوئے کہ ان کا نام غیر ضروری طور پر اس معاملے میں گھسیٹا جا رہا ہے۔
دوسری طرف، ای ڈی کے مطابق، کویتا بھی ایکسائز پالیسی کے معاملے میں ساؤتھ گروپ کے نمائندوں میں سے ایک ہیں۔
قابل ذکر بات یہ ہے کہ ماضی میں بی آر ایس پارٹی کے ایم ایل سی کےکویتا نے کہا تھا کہ ’’ہم ای ڈی کے ساتھ ہیں اور ان کی حمایت کرتے ہیں۔ اگر ہم تلنگانہ کو دیکھیں تو گزشتہ جون سے مرکزی حکومت مسلسل ایجنسیوں کو تلنگانہ بھیج رہی تھی کیونکہ وہاں انتخابات تھے۔ ان کی یہی عادت ہے کہ جہاں بھی الیکشن ہوتا ہے، ای ڈی مودی سے پہلے پہنچ جاتی ہے۔
-بھارت ایکسپریس
