پولیس کے ہاتھوں سرعام دلت خاتون کی پٹائی، ویڈیو وائرل ہونے پر پولیس نے پیش کی یہ وضاحت
Bihar News: بہار کے سیتامڑھی ضلع کے سورسنڈ بازار میں ایک دلت خاتون کو پولیس اہلکار نے بری طرح پیٹا۔ اس مار پیٹ کی ایک ویڈیو بھی سامنے آئی ہے۔ جس میں پولیس اہلکار کی بربریت صاف نظر آرہی ہے۔ خاتون کی پٹائی کرنے والے پولیس اہلکار کی شناخت سرسنڈ پولیس اسٹیشن کے انچارج انسپکٹر راج کشور سنگھ کے طور پر ہوئی ہے۔ ویڈیو میں راج کشور سنگھ خاتون کو سڑک پر ڈنڈے سے مارتے ہوئے نظر آ رہے ہیں۔
ویڈیو میں پولیس اسٹیشن انچارج راج کشور سنگھ ہاتھ میں لاٹھی لے کر ایک دلت خاتون کو غنڈے کی طرح پیٹ رہے ہیں۔ اس دوران خاتون خوف و ہراس کا مظاہرہ کر رہی ہے لیکن تھانہ انچارج مسلسل لاٹھی چارج کیے ہوئے ہیں۔ اس ویڈیو کے سامنے آنے کے بعد پولیس پر سنگین سوالات اٹھ رہے ہیں۔ عوام میں غصہ ہے اور کارروائی کا مطالبہ کیا جا رہا ہے۔ اس واقعہ کو لے کر سیتامڑھی پولیس کی طرف سے بھی ایک بیان آیا ہے، جس میں کہا گیا ہے کہ معاملے کی جانچ کے احکامات دیے گئے ہیں۔ پولیس کی یہ کارروائی مبینہ طور پر سڑک پر لڑنے والی دو خواتین کو الگ کرنے کے لیے کی گئی۔
बिहार की ‘लठबाज’ पुलिस! सीतामढ़ी में महिला को दौड़ा-दौड़ाकर मारा, हैरान कर देगा ये VIDEO#Bihar #Sitamarhi #ViralVideo#NitishKumar #tejaswi pic.twitter.com/6n4FfAOr8h
— Nikhil Tyagi (@NikhilT37865100) January 1, 2024
سب ڈویژنل پولیس افسر (ایس ڈی پی او) ونود کمار نے ایک ویڈیو بیان میں کہا کہ یہ واقعہ ایک لڑکی کے اغوا سے متعلق ہے۔ لڑکی کو بچا لیا گیا تاہم دونوں فریق تھانے پہنچ گئے اور باہر لڑنے لگے۔ اس سے سڑک پر ٹریفک جام ہوگیا اور پولیس نے بھیڑ کو منتشر کرنے کے لیے لاٹھی چارج کیا۔
-بھارت ایکسپریس
