ہماچل میں موسلا دھار بارش سے 60 افراد ہلاک، کئی گھر مٹی کے تودے کی لپیٹ میں
Himachal Flood: ملک کی پہاڑی ریاستوں میں موسلا دھار بارش نے ایک بار پھر تباہی مچا رکھی ہے۔ عالم یہ ہے کہ کئی گھر مسلسل لینڈ سلائیڈنگ کی زد میں آ رہے ہیں جبکہ کئی بڑی سڑکوں پر آمد و رفت رک گئی ہے۔ ہماچل سے اب تک 60 لوگوں کی موت کی خبریں آ رہی ہیں۔
عالمی ثقافتی ورثہ شملہ-کالکا ریل ٹریک کو بھی نقصان پہنچا ہے۔ شملہ میں لینڈ سلائیڈنگ کی وجہ سے کالکا-شملہ ریلوے روٹ کو نقصان پہنچا ہے۔ پٹریوں کے نیچے سے زمین بہہ گئی ہے۔ جس کی وجہ سے ٹریک ہوا میں معلق ہے۔ ٹرینوں کی آمدورفت ٹھپ ہو کر رہ گئی ہے۔
رودرپریاگ کی مدمہیشور وادی میں پیر کو ایک پل کا 200 میٹر حصہ بہہ گیا، جہاں 52 مسافر پھنس گئے۔ منگل کو ایس ڈی آر ایف کی ٹیم نے ان تمام لوگوں کو باہر نکالا۔ روپ ریور کراسنگ کے طریقہ کار کے ذریعے ان لوگوں کو محفوظ مقامات پر پہنچایا گیا۔
شملہ سمیت ہماچل پردیش میں کئی مقامات پر سیلاب اور لینڈ سلائیڈنگ کی وجہ سے سڑکیں بند ہیں۔ آمد و رفت شروع کرنے کے لیے سڑکوں پر پڑے ملبے کو ہٹانے کی ضرورت ہے۔ لیکن سڑکوں کے بغیر جے سی بی مشینوں کا موقع پر پہنچنا بھی مشکل ہے۔ ایسے میں فضائیہ کے اہلکار جے سی بی مشینوں کو ہیلی کاپٹروں کے ذریعے بند راستوں تک لے جا رہے ہیں۔
ہماچل میں گزشتہ دو دنوں میں بارش، سیلاب اور لینڈ سلائیڈنگ کی وجہ سے جس طرح سے حادثات ہوئے ہیں اس کے پیش نظر بڑے پیمانے پر راحت اور بچاؤ کارروائیاں چلائی جا رہی ہیں۔ فوج کے جوان بھی اس مہم میں مقامی انتظامیہ کی مدد کر رہے ہیں۔ بہت سے لوگوں کو خطرے کے علاقے سے محفوظ مقامات پر منتقل کیا جا رہا ہے۔
یہ بھی پڑھیں- Ajit Pawar Offer Sharad Pawar: اجیت پوار نے شرد پوار کو مرکزی کابینہ کی پیشکش کی؟ سنجے راوت نے دیا یہ جواب
پونگ ڈیم سے پانی چھوڑنے سے کئی علاقے زیر آب آگئے ہیں۔ دریاؤں اور ندی نالوں میں طغیانی کے باعث پینے کے پانی کے 400 منصوبے متاثر ہوئے ہیں۔ جائے وقوعہ کا معائنہ کرنے کے بعد سی ایم سکھوندر سنگھ سکھو نے کہا کہ حادثے میں دو لوگوں کی موت ہوئی ہے، جن میں سے ایک کی لاش نکال لی گئی ہے۔ سی ایم سکھوندر سنگھ سکھو نے یہ بھی بتایا کہ شملہ میونسپل کارپوریشن نے وہاں سے لوگوں کو نکالا، جس کی وجہ سے ایک بڑا حادثہ بچ گیا۔
-بھارت ایکسپریس
